ខេត្តកណ្ដាល៖ បេក្ខនារីប្រឡងសញ្ញាបត្រមធ្យមសិក្សាទុតិយភូមិ(បាក់ឌុប) ១រូប មានបញ្ហាសុខភាពដោយខ្យល់គរណែនទ្រូងខ្លាំង ទទួលបានការសង្គ្រោះបន្ទាន់ពីសំណាក់ក្រុមគ្រូពេទ្យប្រចាំការ ក្នុងខេត្តកណ្ដាល។
យោងតាមការចុះផ្សាយរបស់អង្គភាពប្រឆាំងអំពើពុករលួយ (ACU) បានឱ្យដឹងថានៅវេលាព្រឹកថ្ងៃទី២៨ ខែសីហា ឆ្នាំ២០២៥ នៅមណ្ឌលប្រឡងវិទ្យាល័យជ័យវរ្ម័នទី៧ មានបេក្ខជនឈ្មោះ រស់ ហេងលី (ស) បន្ទប់លេខ ២២ លេខតុ ៥៤៥ កើតខ្យល់គរណែនទ្រូងខ្លាំង។
បច្ចុប្បន្នរថយន្ដសង្រ្គោះបន្ទាន់បាននាំយកទៅមណ្ឌលសុខភាពដីឥដ្ឋ។
ជាមួយគ្នានេះ ក្រសួងអប់រំ យុវជន និងកីឡា ជំរុញលើកចិត្តឱ្យបេក្ខជនប្រឡងទាំងអស់ត្រូវថែរក្សាសុខភាពឱ្យបានល្អ សម្រាក និងបរិភោគអាហារឱ្យបានគ្រប់គ្រាន់ប្រកបដោយអនាម័យ ដើម្បីទទួលបានលទ្ធផលល្អប្រសើរក្នុងការប្រឡង៕