​បេក្ខជនបាក់ឌុបគ្រុនឈាម វិលមុខ ថប់ដង្ហើម ចង់ក្អួតចង្អោរ ដាក់ឱ្យប្រឡងបន្ទប់ពិសេស

ខេត្តកណ្ដាល៖ បេក្ខជនប្រឡងសញ្ញាបត្រមធ្យមសិក្សាទុតិយភូមិ(បាក់ឌុប) ១រូបមាអាការៈវិលមុខ ថប់ដង្ហើម និងចង់ក្អួតចង្អោរ ទទួលបានដាក់ឱ្យប្រឡងបន្ទប់ដាច់ដោយឡែក នៅព្រឹកថ្ងៃទី២៨ ខែសីហានេះ។

យោងតាមការចុះផ្សយរបស់អង្គភាពអំពើពុករលួយ (ACU) បានឱ្យដឹងថា នៅមណ្ឌលវិទ្យាល័យព្រែកស្លែង ​វេលាព្រឹកថ្ងៃទី២៨ ខែសីហា ឆ្នាំ២០២៥មានបេក្ខជនឈ្មោះ ធ ភក្រ្តា ភេទ ប្រុស លេខបន្ទប់ ១៧ លេខតុ ៤១៥ កំពុងមានជំងឺគ្រុនឈាម រយៈពេល ៦ថ្ងៃ និងមានអាការៈវិលមុខ ថប់ដង្ហើម ចង់ក្អួតចង្អោរ ដូច្នេះបេក្ខជនបានស្នើសុំប្រឡងនៅបន្ទប់ដាច់ដោយឡែក ដោយមានការឯកភាពពីប្រធានមណ្ឌល និងតាមរយៈការវាយតម្លៃពីគ្រូពេទ្យប្រចាំមណ្ឌលផងដែរ។

បច្ចុប្បន្ន បេក្ខជនកំពុងទទួលបានការយកចិត្តទុកដាក់ពីក្រុមគ្រូពេទ្យ៕
​

​