ផ្លែឈើទាំងនេះ ជួយរក្សារាងកាយអ្នកឲ្យមានជាតិទឹកគ្រប់គ្រាន់ ជាពិសេសក្នុងអាកាសធាតុក្តៅ

ខាងក្រោមនេះ ជាផ្លែឈើមួយចំនួនដែលមានជាតិទឹកខ្ពស់ ៖

១.ឪឡឹក (Watermelon)៖ ឪឡឹកមានជាតិទឹកប្រមាណ៩២% និងមានផ្ទុកវីតាមីន A, C និងសារធាតុ Lycopene ដែលល្អសម្រាប់សុខភាពបេះដូង ។

២.ផ្លែស្រកានាគ (Dragon Fruit) ៖ ស្រកានាគមានជាតិទឹកប្រមាណ ៩០% ព្រមទាំងមានផ្ទុកជាតិសរសៃ (Fiber) ខ្ពស់ ដែលជួយដល់ប្រព័ន្ធរំលាយអាហារ ។

៣.ផ្លែក្រូចថ្លុង (Grapefruit)៖ ក្រូចថ្លុងមានជាតិទឹកប្រមាណ៩០% និងមានវីតាមីនC ខ្ពស់ ដែលជួយពង្រឹងប្រព័ន្ធភាពស៊ាំ។

៤.ផ្លែស្ត្របឺរី (Strawberry)៖ ស្ត្របឺរីមានជាតិទឹកប្រមាណ៩១% និងមានផ្ទុកសារធាតុប្រឆាំងអុកស៊ីតកម្ម (Antioxidants) ច្រើន។

៥.ម្នាស់ (Pineapple)៖ ម្នាស់មានជាតិទឹកប្រមាណ៨៦% និងមានអង់ស៊ីម Bromelain ដែលអាចជួយកាត់បន្ថយការរលាក ។

៦.ផ្លែប៉ែស (Peach)៖ ផ្លែប៉ែសមានជាតិទឹកប្រមាណ ៨៩% និងសម្បូរទៅដោយវីតាមីន A, C និងជាតិសរសៃ។

៧.ផ្លែក្រូច (Orange)៖ ផ្លែក្រូចមានជាតិទឹកប្រមាណ ៨៧% ដែលល្បីថាជាប្រភពវីតាមីន C ដ៏សំខាន់។

ការបរិភោគផ្លែឈើទាំងនេះ អាចជួយរក្សារាងកាយរបស់អ្នកឲ្យមានជាតិទឹកគ្រប់គ្រាន់ ជាពិសេសក្នុងអាកាសធាតុក្តៅ ៕