ជំងឺលើសឈាម ជារឿយៗត្រូវបានគេហៅថាជា «ឃាតករលាក់មុខ» ព្រោះវាមិនមានរោគសញ្ញាជាក់លាក់ណាមួយដែលត្រូវសម្គាល់នោះទេ ។
មនុស្សភាគច្រើនដែលកើតជំងឺនេះ គឺមិនបានដឹងខ្លួនរហូតទាល់តែពួកគេទៅពិនិត្យសុខភាព ឬរហូតទាល់តែជំងឺនេះវិវឌ្ឍទៅជាស្ថានភាពធ្ងន់ធ្ងរដូចជាគាំងបេះដូង ឬដាច់សរសៃឈាមខួរក្បាល ។
ទោះជាយ៉ាងនេះក្តី ចំពោះអ្នកដែលមានជំងឺលើសឈាមធ្ងន់ធ្ងរខ្លាំង អាចមានរោគសញ្ញាមួយចំនួនដូចខាងក្រោម៖ -ឈឺក្បាលខ្លាំង -វិលមុខ -ពិបាកដកដង្ហើម -មានឈាមតាមច្រមុះ -មានអារម្មណ៍ចង់ក្អួត ឬក្អួត -អស់កម្លាំង និងច្រលំ -ភ្នែកមើលមិនច្បាស់ ឬព្រិល តើត្រូវធ្វើដូចម្តេច?
ប្រសិនបើអ្នកមានរោគសញ្ញាណាមួយខាងលើ វាជាការចាំបាច់ណាស់ដែលអ្នកត្រូវទៅជួបគ្រូពេទ្យជាបន្ទាន់ ។ វិធីល្អបំផុត ដើម្បីដឹងថាខ្លួនមានជំងឺលើសឈាមឬអត់ គឺត្រូវទៅពិនិត្យសម្ពាធឈាមជាប្រចាំនៅមណ្ឌលសុខភាព ឬមន្ទីរពេទ្យ ។
ការពិនិត្យសម្ពាធឈាមជាប្រចាំ គឺជារឿងសំខាន់បំផុត ជាពិសេសសម្រាប់អ្នកដែលមានកត្តាហានិភ័យដូចជា៖ -មានអាយុចាប់ពី ៤០ ឆ្នាំឡើងទៅ -មានប្រវត្តិគ្រួសារកើតជំងឺលើសឈាម -ធាត់ជ្រុល -ចូលចិត្តទទួលទានអាហារប្រៃខ្លាំង -ជក់បារី ឬទទួលទានគ្រឿងស្រវឹងច្រើន -មិនសូវធ្វើលំហាត់ប្រាណ ការការពារ និងការពិនិត្យសុខភាពជាប្រចាំ គឺជាកត្តាសំខាន់ដើម្បីជៀសវាងផលវិបាកធ្ងន់ធ្ងរដែលអាចកើតឡើងដោយសារជំងឺលើសឈាម ។