ស្មានមិនដល់សោះ ! តាមពិតផ្លែម្រះជួយគ្រប់គ្រងជាតិស្ករក្នុងឈាម និងពង្រឹងប្រព័ន្ធភាពស៊ាំបានទៀត

ម្រះ គឺជាបន្លែម្យ៉ាងដែលមានរសជាតិល្វីង ប៉ុន្តែវាមានអត្ថប្រយោជន៍សុខភាពដ៏អស្ចារ្យជាច្រើន។ អត្ថប្រយោជន៍ចម្បងរបស់វាមានដូចជា៖

១. ជួយគ្រប់គ្រងជាតិស្ករក្នុងឈាម

ម្រះមានសារធាតុម្យ៉ាងហៅថា polypeptide-p ដែលមានលក្ខណៈដូចអាំងស៊ុយលីនធម្មជាតិ។ សារធាតុនេះជួយកាត់បន្ថយកម្រិតជាតិស្ករក្នុងឈាម ដូច្នេះវាមានប្រសិទ្ធភាពខ្ពស់សម្រាប់អ្នកជំងឺទឹកនោមផ្អែម។

២. ជួយសម្រកទម្ងន់

ម្រះមានកាឡូរីទាប ហើយមានជាតិសរសៃច្រើន។ ការបរិភោគម្រះជួយឱ្យឆ្អែតបានយូរ កាត់បន្ថយចំណង់អាហារ និងជួយដល់ការរំលាយអាហារ ដែលជាកត្តាដ៏សំខាន់សម្រាប់ការសម្រកទម្ងន់។

៣. ពង្រឹងប្រព័ន្ធភាពស៊ាំ

ម្រះសម្បូរទៅដោយ វីតាមីន C ដែលជាសារធាតុប្រឆាំងអុកស៊ីតកម្មដ៏ខ្លាំងក្លា។ វីតាមីន C ជួយប្រយុទ្ធប្រឆាំងនឹងជំងឺឆ្លង និងពង្រឹងប្រព័ន្ធការពាររាងកាយឱ្យកាន់តែរឹងមាំ។

៤. ល្អសម្រាប់សុខភាពស្បែក

សារធាតុប្រឆាំងអុកស៊ីតកម្មដែលមានក្នុងម្រះ ជួយកាត់បន្ថយបញ្ហាស្បែកដូចជាមុន កន្ទួលរមាស់ និងជំងឺត្រអក (psoriasis)។ ការផឹកទឹកម្រះក៏អាចជួយឱ្យស្បែកភ្លឺថ្លាពីខាងក្នុងផងដែរ។

៥. ជំនួយដល់ការរំលាយអាហារ

ជាតិសរសៃ (fiber) ក្នុងម្រះជួយឱ្យការរំលាយអាហារដំណើរការបានល្អ និងការពារបញ្ហាទល់លាមក។ ម្រះក៏ជួយសម្អាតជាតិពុលពីពោះវៀនផងដែរ។