នេះគឺជាទិដ្ឋភាពដ៏មិនគួរឱ្យជឿ ដែលបង្កងប៉ាកមួយក្បាលក្នុងប្រទេសចិនសុខចិត្តលះបង់ដង្កៀបរបស់វាម្ខាង ខណៈព្យាយាមសង្គ្រោះខ្លួនវាពីឆ្នាំងស៊ុបមរណៈកំពុងពុះហុយៗ។
សេចក្ដីក្លាហានរបស់វា ត្រូវបានមនុស្សថតបាន និងបង្ហោះល្បីពេញបណ្ដាញសង្គមចិន។ វីដេអូនោះត្រូវបានថតដោយអ្នកលេងបណ្តាញសង្គមចិនវៃប៉ាវ ឈ្មោះ ជីវកឺ ដោយបង្ហាញខ្លួនគេកំពុងកុម្ម៉ង់ស៊ុបបង្កងប៉ាកមួយឆ្នាំងនៅភោជនីយដ្ឋានមួយកន្លែងក្នុងប្រទេសចិន។
ក្នុងវីដេអូ យើងអាចឃើញបង្កងកំពុងព្យាយាមវារចេញពីឆ្នាំងស៊ុបកំពុងពុះនោះ ដោយប្រើដង្កៀបស្ដាំរបស់វាកាត់ផ្ដាច់ដង្កៀបខាងឆ្វេង ដើម្បីរួចផុតពីសេចក្ដីស្លាប់។
ហើយដោយក្ដីអាណិតអាសូរ ឃើញវាចង់រស់រានមានជីវិត ជីវកឺក៏បានយកវាទៅផ្ទះចិញ្ចឹមដូចជាសត្វចិញ្ចឹមផ្សេងទៀតដែរ។ ដោយឡែក ប្រភេទសត្វនេះ នៅពេលវាកាត់ដង្កៀបរបស់វាហើយ ដង្ក្រៀបថ្មីនៅតែអាចលូតលាស់ឡើងវិញបានដដែល៕
ប្រភព៖ rasmeinews.com