ក្មេងតូចអាយុ៣ខែមកពីព្រៃវែងមានជំងឺរីកខ្សោយបេះដូង និងក្រពឹតសួតឆ្វេងត្រូវព្យាបាលជោគជ័យ

ក្មេងតូចអាយុ៣ខែ មកពីព្រៃវែង មានជំងឺរីកខ្សោយបេះដូង និងកំពិតសួតឆ្វេងយ៉ាងធ្ងន់ធ្ងរ ដោយសារសរសៃឈាមកូរ៉ូណែរចិញ្ចឹមបេះដូងឆ្វេងដុះចេញពីសរសៃឈាមសួតខុសធម្មតាពីកំណើត ។ នេះបើយោងតាមផេក Dr. Beat Richner បានផ្សាយនាថ្ងៃទី១៣ ខែសីហានេះ ។

ក្មេងតូចខខាងលើនេះត្រូវការវះកាត់ដកយកសរសៃបេះដូងមិនប្រក្រតីទំហំ២មមនេះ  មកដាំឲ្យនៅចំសរសៃឈាមក្រហមឲ្យបានធម្មតាវិញ ដើម្បីចិញ្ចឹមបេះដូង ។

ក្រោយការវះកាត់យ៉ាងលំបាក និងយ៉ាងម៉ត់ចត់ ក្រុមគ្រូពេទ្យឯកទេសវះបេះដូង បានវះកាត់តសរសៃឈាមបេះដូងនោះបានដោយជោគជ័យ (switch operation) ។

សូមអរគុណ និងកោតសរសើរក្រុមគ្រូពេទ្យដ៏ជំនាញកម្ពុជាយើង ដែលបានជួយសង្គ្រោះបេះដូងទារកម្នាក់នេះ និងបានផ្តល់ជីវិតថ្មីដល់គាត់ ៕