ការប្រើប្រាស់ថ្នាំលើសកម្រិតអាចបណ្តាលឱ្យមានផលប៉ះពាល់ធ្ងន់ធ្ងរដល់ថ្លើម។ ខាងក្រោមនេះជាសញ្ញាព្រមានសំខាន់ៗដែលអ្នកត្រូវយកចិត្តទុកដាក់៖
- អស់កម្លាំង និង បាត់បង់ចំណង់អាហារ
- ឈឺពោះ ឬមានអារម្មណ៍ ហើមពោះ
- ភ្នែកលឿង
- ពោះធំ មិនធម្មតា
- មានស្នាមជាំឈាម នៅផ្នែកណាមួយនៃរាងកាយ
ឧទាហរណ៍នៃប្រភេទថ្នាំដែលអាចបណ្តាលឱ្យខូចថ្លើម
- ថ្នាំបញ្ចុះជាតិខ្លាញ់ក្នុងឈាម: ថ្នាំទាំងនេះអាចប៉ះពាល់ដល់មុខងារថ្លើមនៅពេលប្រើប្រាស់យូរ។
- ថ្នាំប្រឆាំងនឹងការរលាក: ជាពិសេសថ្នាំសម្រាប់ព្យាបាលសន្លាក់ និងសាច់ដុំ។
- ថ្នាំសម្រាប់ព្យាបាលការឆ្លងមេរោគ: ដូចជាបាក់តេរី មេរោគ ឬផ្សិត។
- ថ្នាំព្យាបាលជំងឺរបេង: ជាប្រភេទថ្នាំដែលត្រូវការការត្រួតពិនិត្យមុខងារថ្លើមជាប្រចាំ។
- ថ្នាំប្រឆាំងការប្រកាច់: ប្រើដើម្បីគ្រប់គ្រងអាការៈប្រកាច់។
- ថ្នាំ Immunosuppressants: ប្រើដើម្បីព្យាបាលជំងឺអូតូអ៊ុយមីន ឬរលាកសន្លាក់។
- អរម៉ូនភេទ: ការប្រើប្រាស់អរម៉ូនប្រភេទនេះក៏អាចប៉ះពាល់ដល់ថ្លើមផងដែរ។
ចំណុចសម្គាល់
ប្រសិនបើអ្នកកំពុងប្រើប្រាស់ថ្នាំណាមួយខាងលើ ហើយមានសញ្ញាណាមួយដូចបានរៀបរាប់ អ្នកគួរតែប្រញាប់ទៅពិគ្រោះជាមួយគ្រូពេទ្យជាបន្ទាន់ ដើម្បីធ្វើរោគវិនិច្ឆ័យ និងទទួលបានការព្យាបាលត្រឹមត្រូវ៕