ដើម្បីដោះស្រាយបញ្ហាទល់លាមកបានយូរអង្វែង និងលុបបំបាត់តម្រូវការប្រើប្រាស់ថ្នាំបញ្ចុះលាមក អ្នកអាចអនុវត្តវិធីសាស្ត្រទាំង ៤ នេះ៖
- ផឹកទឹកឱ្យបានគ្រប់គ្រាន់: ការខ្សោះជាតិទឹកធ្វើឱ្យលាមករឹង ហើយពិបាកបន្ទោរបង់។ ដូច្នេះហើយ ការផឹកទឹកឱ្យបានពី ៦ ទៅ ៨ កែវក្នុងមួយថ្ងៃ នឹងជួយឱ្យលាមកទន់ និងធ្វើឱ្យប្រព័ន្ធរំលាយអាហារដំណើរការបានល្អ។
- ញ៉ាំអាហារសម្បូរជាតិសរសៃ: ជាតិសរសៃជួយជំរុញចលនាពោះវៀន។ គួរញ៉ាំបន្លែស្លឹកបៃតងដូចជា ខាត់ណា សាឡាត់ ស្ពៃខ្មៅ និងផ្លែឈើដូចជា ក្រូច ម្នាស់ ផ្លែប៉ោម។ គ្រាប់ធញ្ញជាតិក៏ជាជម្រើសដ៏ល្អផងដែរ។
- ហ្វឹកហាត់ទម្លាប់នៃការបន្ទោរបង់: ការបង្កើតទម្លាប់ចូលបន្ទប់ទឹកនៅម៉ោងដដែលជារៀងរាល់ថ្ងៃ អាចជួយឱ្យរាងកាយរបស់អ្នកដំណើរការបានទៀងទាត់ និងមានចលនាពោះវៀនធម្មតា។
- ធ្វើលំហាត់ប្រាណ: ការហាត់ប្រាណជួយជំរុញមុខងារសាច់ដុំពោះវៀនឱ្យដំណើរការបានល្អ។
អ្នកអាចសាកល្បងហាត់ប្រាណឱ្យបានទៀងទាត់ ព្រោះមនុស្សជាច្រើនមានអារម្មណ៍ចង់បន្ទោរបង់ភ្លាមៗ ឬក្រោយពេលហាត់ប្រាណរួច៕
ចំណុចសម្គាល់
ប្រសិនបើលោកអ្នកមានបញ្ហាសុខភាពមិនប្រក្រតី ប្រញាប់ទៅជួបគ្រូពេទ្យជំនាញដើម្បីព្យាបាលទាន់ពេលវេលា៕