ការផឹកទឹកខ្ញីជារៀងរាល់ថ្ងៃក្នុងបរិមាណច្រើនពេក អាចបង្កឲ្យមានផលប៉ះពាល់មួយចំនួនដល់សុខភាព ជាពិសេសចំពោះអ្នកដែលមានស្ថានភាពសុខភាពជាក់លាក់។
១. រលាកក្រពះ
ការផឹកទឹកខ្ញីដែលមានកំហាប់ខ្លាំង ឬផឹកនៅពេលពោះទទេ អាចបង្កឲ្យមានអារម្មណ៍ក្រហាយ ឬរលាកក្រពះចំពោះមនុស្សមួយចំនួន។
២. ធ្វើឲ្យឈាមរាវ
ខ្ញីមានលក្ខណៈសម្បត្តិប្រឆាំងការកកឈាម ដែលធ្វើឲ្យឈាមរាវ។ ដូច្នេះ ប្រសិនបើអ្នកកំពុងប្រើថ្នាំបញ្ចុះឈាម ឬមុន/ក្រោយការវះកាត់ អ្នកគួរតែជៀសវាងការផឹកទឹកខ្ញីច្រើនពេក ដើម្បីកាត់បន្ថយហានិភ័យនៃការហូរឈាម។
៣. មានប្រតិកម្មជាមួយថ្នាំមួយចំនួន
ទឹកខ្ញីអាចប៉ះពាល់ដល់សកម្មភាពរបស់ថ្នាំមួយចំនួន ដូចជាថ្នាំបញ្ចុះសម្ពាធឈាម និងថ្នាំប្រឆាំងជំងឺទឹកនោមផ្អែម។ មុននឹងទទួលទានទឹកខ្ញីជាប្រចាំ អ្នកគួរតែពិគ្រោះជាមួយគ្រូពេទ្យជាមុនសិន ប្រសិនបើអ្នកកំពុងប្រើប្រាស់ថ្នាំទាំងនេះ។
ចំណុចសម្គាល់
ការផឹកទឹកខ្ញីក្នុងកម្រិតមធ្យមជាទូទៅមិនមានបញ្ហានោះទេ។ ប៉ុន្តែការយល់ដឹងពីផលប៉ះពាល់ទាំងនេះអាចជួយឲ្យអ្នកមានការប្រុងប្រយ័ត្នខ្ពស់ ដើម្បីរក្សាសុខភាពឲ្យនៅល្អប្រសើរ៕