តាមការពិត អ្នកអាចញ៉ាំទុរេនជាមួយកាហ្វេបាន ប្រសិនបើអ្នកប្រុងប្រយ័ត្ន និងកំណត់បរិមាណត្រឹមត្រូវ។ នេះបើយោងតាមសារព័ត៌មានរបស់ថៃ។
ខាងក្រោមនេះជាគន្លឹះមួយចំនួនដើម្បីជួយអ្នកក្នុងការទទួលទានវាដោយសុវត្ថិភាព និងផាសុកភាព៖
កំណត់បរិមាណសមស្រប៖
-ទុរេន៖ គួរញ៉ាំក្នុងបរិមាណតិច មិនច្រើនក្នុងពេលតែមួយ ដូចជា ១-២ ផ្លែតូច ឬត្រឹមតែកន្លះផ្លែប៉ុណ្ណោះ។
-កាហ្វេ៖ ជ្រើសរើសកាហ្វេខ្មៅដោយគ្មានជាតិស្ករ។ វាមិនគួរខ្លាំងពេកទេ។
ជ្រើសរើសពេលវេលាត្រឹមត្រូវ៖
-ទាំងទុរេន និងកាហ្វេមិនគួរញ៉ាំពេលពោះទទេឡើយ។
-អ្នកគួររង់ចាំប្រហែល ១-២ ម៉ោងក្រោយពេលញ៉ាំអាហារ ដើម្បីឱ្យរាងកាយរំលាយអាហារបានល្អ។
-អ្នកមិនគួរទទួលទានវាមុនពេលចូលគេងទេ ព្រោះទាំងពីរមានសារធាតុរំញោចដែលអាចធ្វើឱ្យពិបាកក្នុងការគេងលក់។
ចំណុចសម្គាល់៖
ការញ៉ាំទុរេនជាមួយកាហ្វេមិនមែនជាគ្រោះថ្នាក់ដល់អាយុជីវិតនោះទេ តែតម្រូវឱ្យមានការប្រុងប្រយ័ត្នចំពោះបរិមាណ និងស្ថានភាពសុខភាពផ្ទាល់ខ្លួន៕