ចេកអំបូងលឿងម្បូរទៅដោយសារធាតុចិញ្ចឹម និងមានអត្ថប្រយោជន៍ជាច្រើនចំពោះសុខភាព។ វាផ្ទុកទៅដោយវីតាមីន រ៉ែ ជាតិសរសៃ និងសារធាតុប្រឆាំងអុកស៊ីតកម្មជាច្រើនទៀត។
ចេកអំបូងលឿងមានជាតិកាកសរសៃខ្ពស់ ដែលជួយជំរុញចលនាពោះវៀនឱ្យបានទៀងទាត់ និងការពារការទល់លាមក។ ចេកជាប្រភពប៉ូតាស្យូមដែលជាសារធាតុរ៉ែសំខាន់ជួយគ្រប់គ្រងសម្ពាធឈាម និងកាត់បន្ថយហានិភ័យនៃជំងឺដាច់សរសៃឈាមខួរក្បាល និងជំងឺបេះដូង។
ក្រៅពីនេះចេកអំបូងលឿងសម្បូរទៅដោយជាតិស្ករធម្មជាតិ ដែលងាយស្រូបយកដោយរាងកាយ ធ្វើឱ្យអ្នកទទួលបានថាមពលភ្លាមៗ។ នេះល្អជាពិសេសសម្រាប់អត្តពលិក ឬអ្នកដែលត្រូវការថាមពលបន្ថែម។
ដោយឡែក វាសម្បូរវីតាមីនB6 ជួយដល់ការរំលាយអាហារប្រូតេអ៊ីន ការផលិតកោសិកាឈាមក្រហម និងមុខងារប្រព័ន្ធប្រសាទ៕