ទឹកត្នោតគឺជាភេសជ្ជៈធម្មជាតិដែលមានរសជាតិផ្អែមឆ្ងាញ់នៅពេលស្រស់ៗ ប៉ុន្តែវានឹងប្រែជាមានជាតិអាល់កុល (ទឹកត្នោតជូរ) ប្រសិនបើទុកយូរ។ ទាំងទឹកត្នោតផ្អែម និងទឹកត្នោតជូរ សុទ្ធតែផ្ដល់អត្ថប្រយោជន៍សុខភាពមួយចំនួនដោយសារតែវាសម្បូរសារធាតុចិញ្ចឹម។
ការទទួលទានទឹកត្នោតក្នុងបរិមាណសមរម្យ អាចជួយកាត់បន្ថយបញ្ហាទាក់ទងនឹងជំងឺបេះដូងដូចជាគាំងបេះដូង ខ្សោយបេះដូង និងជំងឺសរសៃឈាមបេះដូង។ ជាតិប៉ូតាស្យូមនៅក្នុងទឹកត្នោតក៏ជួយបង្កើនមុខងារបេះដូងឱ្យមានសុខភាពល្អ និងកាត់បន្ថយហានិភ័យនៃជំងឺឡើងសម្ពាធឈាម។
ក្រៅពីនេះ ទឹកត្នោតផ្ទុកទៅដោយវីតាមីន និងសារធាតុរ៉ែជាច្រើនដែលមានសារៈសំខាន់សម្រាប់រាងកាយ រួមមាន៖
-វីតាមីន C ជាសារធាតុប្រឆាំងអុកស៊ីតកម្មដ៏មានឥទ្ធិពល ជួយពង្រឹងប្រព័ន្ធភាពស៊ាំ និងថែរក្សាសុខភាពស្បែក។
-វីតាមីន B ជួយដល់ការបំប្លែងថាមពលពីអាហារ ថែរក្សាសុខភាពប្រព័ន្ធប្រសាទ និងភ្នែក។
-ប៉ូតាស្យូម ជួយគ្រប់គ្រងសម្ពាធឈាម មុខងារបេះដូង និងរក្សាលំនឹងជាតិទឹកក្នុងរាងកាយ។
-ជាតិដែក សំខាន់សម្រាប់ការផលិតកោសិកាឈាមក្រហម និងការពារភាពស្លេកស្លាំង។
-ម៉ាញ៉េស្យូម និងកាល់ស្យូម សំខាន់សម្រាប់សុខភាពឆ្អឹង និងសាច់ដុំ៕