ចំពោះអ្នកចូលចិត្តហូបព្រីង តិចអត់ដឹងថាព្រីងមានអត្ថប្រយោជន៍ច្រើនយ៉ាងចំពោះសុខភាពទាំងវ័យក្មេងនិងចាស់។
ព្រីងមិនត្រឹមតែមានរសជាតិឆ្ងាញ់ និងមានកាឡូរីទាបនោះទេ តែផ្លែនេះមានផ្ទុកវីតាមីន C ជាតិដែក កាល់ស្យូម ម៉ាញ៉េស្យូម និងអាស៊ីតហ្វូលិក។ ដូចគ្នាដែរ ព្រីង ក៏មានផ្ទុកសារធាតុប្រឆាំងអុកស៊ីតកម្ម សារធាតុបញ្ចុះនោម និងសារធាតុប្រឆាំងនឹងបាក់តេរី។
សារធាតុចិញ្ចឹមនៅក្នុងផ្លែព្រីងទាំងនេះ ក្រៅពីមានប្រយោជន៍ដល់សុខភាពប្រព័ន្ធរំលាយអាហារ ក៏នៅមានប្រយោជន៍ក្នុងការប្រឆាំងនឹងជំងឺមហារីក និងបញ្ហាថ្លើមផ្សេងទៀត។ ដូចគ្នាដែរ អ្នកមានជំងឺទឹកនោមផ្អែម ក៏អាចញ៉ាំផ្លែព្រីងនេះបានដែរ៕