(ភ្នំពេញ)៖ ខណៈមានការរិះគន់ចំពោះកុមារា ពេជ្រ ថៃ ដែលម្ចាស់ពាន ដឹវ៉យឃីត (The Voice Kid) ធ្វើឱ្យបាក់មុខលើឆាកតន្ត្រីមួយតាមខេត្ត ដែលកុមាររូប នេះបានច្រៀងមិនត្រូវទំនុក ចម្រៀងបទ “រដឺនមានស្នេហ៍” ដែលជាសំនៀងដើមរបស់លោក ព្រាប សុវត្ថិ កន្លងមកនេះ។ ប៉ុន្តែវត្តមានរៀមច្បងម្នាក់គឺអ្នកនាង ពេជ្រ សោភា បែរជាមើលឃើញនិងសរសើរកុមារា ពេជ្រ ថៃ ដែលផ្ទុយពីអ្នករិះគន់ទៅវិញ។
តារាចម្រៀងស្រីដ៏ចាស់វស្សាមិនទាន់ព្រមទម្លាក់ដៃចំពោះបទកន្ត្រាក់អារម្មណ៍រូបនេះបានទម្លាយរឿងរ៉ាវនិងធាតុពិតនៃកុមារ ពេជ្រ ថៃ ដែលមានចំណុចល្អៗ និងភាពរហ័សរហួនខុសពីកុមារ ផ្សេងទៀតនៅក្រោយឆាកតន្ត្រីរាល់ដងសម្រាប់មហាជន។
ពេជ្រ សោភា ប្រាប់ដល់ក្រុមអ្នកសារព័ត៌មានក្នុងការប្រគំតន្ត្រីខារ៉ាបាវស្ប៉ាកទូរទស្សន៍លេខ៥ កាលពីសប្តាហ៍មុនឱ្យដឹងថា ពិបាក…សម្រាប់បេក្ខភាព មនុស្សធំៗគឺខ្ញុំមើលឃើញថា នៅតែពិបាក នៅឡើយ។ ប៉ុន្តែសម្រាប់ក្មេងៗជួនកាលយើងបង្រៀនថ្ងៃហ្នឹងគឺចេះភ្លាម។ ព្រោះខ្ញុំធ្លាប់ជួបគាត់ក្មេងៗពេលត្រូវគាត់ឡើង ច្រៀងខ្ញុំធ្លាប់សមជាមួយគាត់ហើយជួលកាលខ្ញុំ ប្រាប់បានតែបន្ថិចទេដល់ពេលម៉ោងឡើងឆាកអីចឹងគាត់ឡើងតែខ្លួនគាត់ហ្នឹងចេះតែម្តង។ បើពូកែនិងទាំងឆ្លាត យើង និយាយថាពូកែគេច ពូកែគិតលឿនគឺ ពេជ្រ ថៃ ។
តារាចម្រៀងដែលជាគ្រូម្នាក់សម្រាប់គណៈកម្មការ The Voice of Cambodia ជាច្រើនរដូវកាល បន្តទៀតថា នាងឃើញតែកុមារ ពេជ្រ ថៃ តែមួយប៉ុណ្ណោះ ដែលមានការគិតលឿនហើយឆ្លើយបាន ភ្លាមៗ រកចម្លើយនិងពាក្យសម្តីកំប្លែងតបទៅកាន់មហាជន ឬដៃគូចម្រៀង និងពិធីករពិធីការិនី។ បើនិយាយការបង្ហាត់បង្រៀនពី ការច្រៀងនិងទំនុកចម្រៀងវិញគឺប្រាប់តែម្តង ឬប្រាប់តែមួយថ្ងៃទេ ហើយមិនភ្លេចឡើយដល់ថ្ងៃស្អែកទៀត។ ដូច្នេះកុមារា ពេជ្រ ថៃ អាចបញ្ចេញសមត្ថភាពបានដោយ មិនភ័យមិនបារម្ភដូចគេផ្សេងឡើយ។ សម្រាប់ការរាំនិងកាយវិការវិញគឺប្រាប់ភ្លាម គឺចេះភ្លាមមិន ពិបាកណែនាំច្រើនឡើយដែលចំណុចពិសេសមួយទៀត ដែលអ្នកនាងធ្វើការកោតសរសើរ។
អ្នកនាង ពេជ្រ សោភា បានអះអាងទៀតថា កុមារា ពេជ្រ ថៃ ជាក្មេងឆ្លាតដែលអាចនិយាយថា ចង់ខ្លាំងជាមនុស្សធំទៀត។ ពីព្រោះដឹងពីរបៀបពីការនិយាយ លេងដឹងពីការនិយាយទៅវិញទៅមក។ ប៉ុន្តែនាងមិនយល់សោះហេតុអ្វី អ្នករិះគន់ចេះតែនាំគ្នាស្អប់ ពេជ្រ ថៃ ថា គ្នាអាយុមិនត្រូវមិនចេះ ច្រៀងមិនល្អ ? ពេជ្រ ថៃ គឺជា ក្មេងដែលមានទេពកោសល្យតាំងពីកំណើតមក។
តារាចម្រៀងប្រចាំផលិតកម្មហង្សមាសរូបនេះបានប្រាប់ទៀតថា បើក្លាយជាអ្នកចម្រៀង ឬតារា ចម្រៀងល្បីមិនមែនសំដៅទៅលើតែទេពកោសល្យច្រៀងឱ្យល្អតែមួយមុខនោះទេគឺត្រូវចេះ ឱ្យច្រើនរបៀបនៃសិល្បៈទាំង កំប្លែង បទញាក់ បទកំសត់ក្នុងវិស័យចម្រៀងទើបមាន ប្រជាប្រិយភាពឡើងទទួលបានការគាំទ្រច្រើន៕
ប្រភព៖ rasmeinews.com