ប្រុងប្រយ័ត្ន! ដុំគីសដៃស្បូន ដែលកើតលើស្ត្រីចំណាស់ ក្រោយពេលអស់រដូវ អាចក្លាយជាមហារីក

ដុំគីសដៃស្បូន ជាដុំទឹកស្រោបដោយស្រោមនៅក្នុង ឬនៅលើផ្ទៃនៃអូវែ ដែលនៅសងខាងស្បូនស្ត្រី។

យោងតាមមន្ទីរពេទ្យកាល់ម៉ែតចុះផ្សាយកាលពីពេលថ្មីៗនេះ បានឱ្យដឹងថា ដុំគីសដែលកើតលើស្ត្រីចំណាស់ក្រោយពេលអស់រដូវអាចក្លាយជាមហារីក។ ចំណែក Ovarian Torsion គឺដុំគីសដែលរមួលបណ្តាលឲ្យចុកពោះខ្លាំង។
រីឯ Ovarian Rupture គឺដុំគីសដែលបែករហែកបណ្តាលឲ្យចុកពោះខ្លាំង និងមានឈាមដក់ក្នុងពោះ។

ឯកសារនោះបានបញ្ជាក់ថា ចំពោះរោគសញ្ញារួមមាន៖

• ឈឺអាងត្រគាកស្ទុំៗ និងអាចរាលដាលទៅក្រោយ
• ឈឺអាងត្រគាកមុនចាប់ផ្តើមមករដូវ ឬពេលរួមដំណេក (Dyspareunia)
• ក្អួតចង្អោរ និងមានអារម្មណ៍ថាពេញណែនធ្ងន់ក្នុងពោះ
• នោមញឹក ឬក៏ពិបាកនោម
• អាចមានចុកពោះខ្លាំងភ្លាមៗ ព្រមទាំងក្អួត និងក្តៅខ្លួន
• ភាគច្រើនវាវិវត្តន៍ធំធាត់ដោយស្ងៀមស្ងាត់៕