ទារិកាអាយុ ៣ខែ ជាកូនភ្លោះ មកពីខេត្តកំពង់ស្ពឺមានជំងឺត្បៀតសរសៃឈាមក្រហមបេះដូងយ៉ាងធ្ងន់ធ្ងរ និងមានសួតតែម្ខាងពីកំណើត បណ្ដាលឲ្យពិបាកដកដង្ហើមនិងត្រូវការវះកាត់កែតម្រូវដើម្បីសង្គ្រោះជីវិត។
មន្ទីរពេទ្យគន្ធបុប្ផាភ្នំពេញ បានឲ្យដឹងនៅថ្ងៃទី០២ ខែកក្កដា ឆ្នាំ២០២៥ ថា ទារិកាខាងលើនេះ ត្រូវបានថែទាំព្យាបាលសង្រ្គោះ និងឆ្លងកាត់កាត់ការវះកាត់យ៉ាងស្មុគ្រស្មាញ។
ប្រភពខាងលើនេះ បានបញ្ជាក់ថា រយៈពេល២០ថ្ងៃក្រោយការវះកាត់ជោគជ័យនិងព្យាបាលយ៉ាងលំបាក។ ថ្ងៃនេះបានជាសះស្បើយនិងបានត្រឡប់ទៅផ្ទះវិញ ដោយស្នាមញញឹម រស់នៅជួបជុំបងប្អូនភ្លោះ និងមានសុខភាពល្អ៕