តើអ្នកធ្លាប់មានអារម្មណ៍ថា បេះដូងលោតខុសធម្មតាដែរទេ ? បញ្ហាមួយនេះអាចកើតឡើងយូរបំផុតពីរបីវិនាទី ឬមួយម៉ោងក៏មានដែរ ។ វាមានកត្តាច្រើនណាស់ដែលនាំឲ្យមានបញ្ហាញ័រដើមទ្រូងបែបនេះ ដូចជា កត្តាជីវសាស្ត្រ ឬជំងឺអ៊័រម៉ូន បញ្ហាចិត្តសាស្ត្រ ឬកត្តាបរិដ្ឋានជុំវិញខ្លួន ។ បើសិនជាអ្នកមានបញ្ហាញ័រដើមទ្រូងជាទៀងទាត់ វាអាចជាប្រភពដែលសាំចិត្តមួយ និងភ័យខ្លាចហើយ ប៉ុន្តែអ្នកអាចបង្ការបញ្ហានេះកុំឲ្យកាន់តែធ្ងន់បានជាមួយនឹងការព្យាបាលដោយខ្លួនឯងដូចខាងក្រោមនេះ៖
១-ធ្វើក្អក ៖ បើសិនជាអ្នកកំពុងតែមានបញ្ហាញ័រដើមទ្រូង ចូរព្យាយាមធ្វើក្អកខ្លាំងរយៈពេលច្រើននាទី ព្រោះវាអាចសម្រួលដល់ការញ័រដើមទ្រុងបាន ។ នៅពេលក្អក វានឹងដាក់សម្ពាធទៅក្នុងដើមទ្រូងដែលអាចបង្ខំឲ្យបេះដូងវិលមកលោតធម្មតាវិញ ។
២-ញ៉ាំទឹកត្រជាក់ ៖ មធ្យោបាយដ៏ល្អបំផុតដើម្បីសម្រួលដល់ចង្វាក់បេះដូងវិលមកធម្មតាវិញ គឺញ៉ាំទឹកត្រជាក់ ។ វាអាចត្រង់ថា ការញ័រដើមទ្រូងបង្កឡើងដោយការខ្សោះជាតិទឹក ដូច្នេះត្រឹមទឹកត្រជាក់មួយកែវគឺអាចជួយបានហើយ ។ ហេតុផលមួយទៀតដែលត្រូវការញ៉ាំទឹកត្រជាក់ គឺថាវាអាចជួយបន្ថយការថប់អារម្មណ៍ ដូច្នេះបេះដូងនឹងលោតធម្មតាវិញដែរ ។
៣-បង្កើនការញ៉ាំជាតិម៉ាញ៉េស្យូម ៖ ហេតុផលទៅរួចមួយដែលដែលធ្វើឲ្យញ័រដើមទ្រូងកើតឡើងនោះគឺ ក្នុងឈាមកង្វះជាតិម៉ាញ៉េស្យូម ។ ជាតិម៉ាញ៉េស្យូមជាអ្នកជំរុញដល់បេះដូង និងប្រព័ន្ធសរសៃប្រសាទទាំងមូលធ្វើការឲ្យមានប្រសិទ្ធភាព ។ អាហារសម្បូរជាតិម៉ាញ៉េស្យូមមានដូចជា ស្ពៃស្ពីណាច ។ អ្នកក៏អាចប្រើថ្នាំបំប៉នជាតិម៉ាញ៉េស្យូមបានដែរ ។
៤-សម្បកឈើអែម ៖ នៅពេលនិយាយដល់ការព្យាបាលដោយខ្លួនឯងសម្រាប់ការញ័រដើមទ្រូង អ្នកប្រហែលជាចង់ប្រើសម្បកឈើអែមហើយ ។ អ្វីដែលអស្ចារ្យចំពោះរបស់នេះគឺថា វាផ្ទុកទៅដោយសារធាតុការពារជាច្រើន ដែលល្អចំពោះសុខភាព ។ ត្រឹមតែម្សៅសម្បកឈើអែមមួយស្លាបព្រា លាយជាមួយទឹកក្តៅឧណ្ហៗមួយកែវ ហើយផឹកគឺល្អហើយ ។ វានឹងជួយឲ្យបេះដូងលោតមកធម្មតាវិញ ។
៥-ដកដង្ហើម ជ្រៅៗ ៖ អ្នកក៏អាចដោះស្រាយការញ័រដើមទ្រូងតាមរយៈការដកដង្ហើម ជ្រៅៗដែរ ។ ការសិក្សាអំពីរបៀបគ្រប់គ្រងការដកដង្ហើមអាចជួយបន្ថយអារម្មណ៍ថប់អារម្មណ៍ និងការឈឺចាប់ដែលធ្វើឲ្យចង្វាក់បេះដូងវិលមកធម្មតាវិញ ។ ហេតុផលមួយផ្សេងទៀតដែលអ្នកគួរតែដកដង្ហើម ជ្រៅៗគឺថា វាអាចធ្វើឲ្យរាងកាយធូរស្រាល ដូច្នេះវានឹងផ្តល់អុកស៊ីសែនគ្រប់គ្រាន់ទៅខួរក្បាល ។ ចូររកកន្លែងស្ងាត់មួយ ហើយដកដង្ហើមចូលតាមច្រមុះឲ្យជ្រៅ ហើយចេញវិញតាមមាត់ ៕