ការរួមភេទ ច្រើនតែត្រូវបានគេនិយាយថា ជារឿងសប្បាយ និងជាសកម្មភាពដែលមនុស្សភាគច្រើនចូលចិត្តបំផុត ។ យ៉ាងណាមិញ អ្វីដែលគេច្រើនតែមិនលើកយកមកនិយាយនោះ គឺការពិតមួយចំនួនដែលការរួមភេទ ធ្វើឱ្យមនុស្សស្រីមួយចំនួនភ័យខ្លាច ។
១. ការឆ្លងជំងឺកាមរោគ
រឿងដ៏គួរឱ្យខ្លាចសម្រាប់ស្ត្រីនៅលីវ គឺការធ្វើតេស្តរកជំងឺកាមរោគឃើញវិជ្ជមានតែម្តង។ ជំងឺកាមរោគមួយចំនួនដូចជា ជំងឺប៉េសអាចឆ្លងបាន ទោះបីជាប្រើស្រោមអនាម័យហើយក៏ដោយ ។ រឿងដែលសុវត្ថិភាព និងមិនឱ្យឆ្លងជំងឺកាមរោគ តែអាចមានភាពសកម្មខាងផ្លូវភេទទៀតនោះ គឺត្រូវមានស្នេហាស្មោះមួយនិងមួយ និងសួរប្រវត្តិផ្លូវភេទរបស់ដៃគូផង ។
២. ការឈឺនៅទ្វារមាស
នេះគឺជាបញ្ហាមួយប្រភេទ ដែលសាច់ដុំក្នុងទ្វារមាសមានការកន្ត្រាក់ ឬរឹងជាប់ដោយខ្លួនឯង។ រឿងនេះច្រើនតែបង្កឡើងដោយ ការថប់អារម្មណ៍ក្នុងពេលស៊កបញ្ចូលលិង្គក្នុងទ្វារមាសតែម្តង។ ម្យ៉ាងវិញទៀត ស្រ្តីអាចនឹងមានបញ្ហានេះ នៅពេលដែលពួកគេមិនសូវមានអារម្មណ៍ចង់រួមភេទជាមួយនឹងដៃគូ។ ពេលនោះទ្វារមាសរបស់ពួកគេនឹងស្ងូត ហើយពិបាកក្នុងការដាក់បញ្ចូល។ ការលេងកម្តៅអារម្មណ៍ជាមុន គឺពិតជាសំខាន់។
៣. ខ្លាចការមានផ្ទៃពោះដោយចៃដន្យ
ការភ័យខ្លាចមួយនេះ ច្រើនតែកើតមានលើស្ត្រីមួយចំនួន ដែលធ្លាប់ឆ្លងការកាត់រំលូតកូន ឬធ្លាប់មានផ្ទៃពោះដោយចៃដន្យតែម្តង។ ដើម្បីលុបបំបាត់ការភ័យខ្លាចនេះបាន គឺត្រូវប្រើប្រាស់ស្រោមអនាម័យជានិច្ចក្នុងពេលរួមភេទ និងសិក្សាពីរបៀបនៃការប្រើប្រាស់វាឱ្យបានត្រឹមត្រូវ៕