តាមការស្រាវជ្រាវ ក្រៅពីមហារីកស្បែក មហារីកក្រពេញប្រូស្តាតត្រូវបានគេរកឃើញជាទូទៅលើបុរស។ ហានិភ័យនៃការវិវត្តទៅជាជំងឺមហារីកក្រពេញប្រូស្តាតកើនឡើងជាលំដាប់ទៅតាមអាយុ ហើយបុរសជាច្រើនមិនបានរកឃើញវិធីការពារជំងឺនេះទេ។ ការការពារគឺជាពិតណាស់ប្រសើរជាងការព្យាបាល។ អ្នកអាចការពារវាបានមួយភាគធំ ជាមួយនឹងទម្លាប់ប្រចាំថ្ងៃមួយចំនួន ដែលអ្នកនឹងស្គាល់នៅថ្ងៃនេះ។
១. រើសអាហារដែលអ្នកទទួលទាន
ការសិក្សាបានបង្ហាញថា បុរសដែលញ៉ាំអាហារសម្បូរខ្លាញ់សត្វ ដូចជាទឹកដោះគោ និងសាច់ក្រហម ទំនងជាវិវត្តទៅជាមហារីកក្រពេញប្រូស្តាត។ នេះមានន័យថា អ្នកត្រូវតែនៅឱ្យឆ្ងាយពីផលិតផលទឹកដោះគោ និងសាច់ក្រហម។ បន្លែមួយចំនួនដូចជាផ្កាខាត់ណាខៀវ មានផ្ទុកសារធាតុគីមីធម្មជាតិ ដែលអាចការពារមហារីកពីការរីកលូតលាស់។ បន្ថែមផ្លែឈើ និងបន្លែបន្ថែមទៅក្នុងរបបអាហាររបស់អ្នក។ ការសិក្សាមួយចំនួន ប៉េងប៉ោះអាចកាត់បន្ថយហានិភ័យនៃជំងឺមហារីក ជាពិសេសក្រពេញប្រូស្តាត សួត និងក្រពះ។
២. បញ្ចេញទឹកកាមឱ្យបានទៀងទាត់
យោងតាមការសិក្សា ការបញ្ចេញទឹកកាម ជួយអ្នកកាត់បន្ថយហានិភ័យនៃជំងឺមហារីកក្រពេញប្រូស្តាត។ ការសិក្សាបានបង្ហាញថាបុរសដែលសម្រេចកាមដោយខ្លួនឯង ៥ដងឬច្រើនដងក្នុងមួយសប្តាហ៍ គឺ ៣៤% មានការវិវត្តទៅជាជំងឺមហារីកប្រូស្តាតនៅអាយុ៧០ឆ្នាំ តិចជាងអ្នកដែលមិនបានសម្រេចកាមជាប្រចាំ។
៣. សម្រកទម្ងន់
ការស្រាវជ្រាវបានបង្ហាញថា ការលើសទម្ងន់ ត្រូវបានផ្សារភ្ជាប់ជាមួយនឹងការកើនឡើងហានិភ័យនៃជំងឺមហារីក រួមទាំងទម្រង់ធ្ងន់ធ្ងរនៃជំងឺមហារីកក្រពេញប្រូស្តាត។ តើអ្នកឃើញទេថា ហេតុអ្វីបានជាអ្នកត្រូវការសម្រកទម្ងន់ខ្លះ? ការសម្រកទម្ងន់តាមរយៈការធ្វើលំហាត់ប្រាណ ឬ របបអាហាររបស់អ្នកនឹងកាត់បន្ថយហានិភ័យនៃការកើតជំងឺមហារីកក្រពេញប្រូស្តាត៕