មកដឹងពីអាថ៌កំបាំង នៃភាពកម្សោយការស្តាប់

មន្ទីរពេទ្យកាល់ម៉ែតបានប្រកាសនាពេលថ្មីៗនេះថា ការបាត់បង់ការស្តាប់ វាបង្កផលប៉ះពាល់យ៉ាងធ្ងន់ធ្ងរដល់ជីវភាពរស់នៅប្រចាំថ្ងៃរបស់មនុស្សយើង ជាពិសេសចំពោះការប្រាស្រ័យទាក់ទងគ្នា និងអាចនាំទៅរកភាពឯកោនៅក្នុងសង្គម បាក់ទឹកចិត្ត និងការព្រួយបារម្ភ ។

មន្ទីរពេទ្យកាល់ម៉ែតបាន បានបន្តថា ការបាត់បង់ការស្តាប់មានទំនាក់ទំនងនឹងបញ្ហាសុខភាពជាច្រើន រួមមានដូចជា៖

១- ចំពោះទារក៖

– ម្តាយកើតស្អូចកំឡុងពេលមានផ្ទៃពោះ

– ម្តាយកើតអ៊ុតស្វាយពេលពរពោះ

– ម្តាយកើតកញ្ជ្រិលពេលពរពោះ

– ម្តាយប្រើថ្នាំផ្សះ cytotoxicity

– កើតមកមិនគ្រប់ខែ

– កើតមកមិនគ្រប់គីឡូ

– កើតមកសំបុរពណ៌លឿង

– កង្វះអុកស៊ីសែន សំបុរស្វាយ រឺខៀវ

២- ចំពោះកុមារ៖

– រលាកត្រចៀករ៉ាំរ៉ៃ

– កញ្ជ្រិល ក្រឡទែន

– ក្រអូមមាត់ឆែប អូទីស្សឹម

– រើម ស្អូច អ៊ុតស្វាយ

– រលាកច្រមុះអាល់ឡែកស៊ី

– ផ្តាសាយធំញឹកញាប់

– យឺតយ៉ាវក្នុងការនិយាយ

– យឺតការទំនាក់ទំនង

៣- មនុស្សធំ៖

– ជំងឺរើម ក្រឡទែន

– គ្រុនចាញ់ របេង

– ប៉ះទង្គិចក្បាល ត្រចៀក

– ប្រើប្រាស់ថ្នាំព្យាបាលច្រើន

– ធ្វើការកន្លែងមានសំលេងខ្លាំង

– រលាកស្រោមខួរក្បាល

– ផ្តាសាយធំ អាឡែកស៊ីច្រមុះ

– រលាកប្រអប់ឆ្អឹងមុខ

៤- មនុស្សចាស់៖

– លើសសម្ពាធឈាម

– គ្រុនចាញ់ របេង

– ជំងឺទឹកនោមផ្អែម

– ជំងឺបេះដូង មហារីក

– កង្វះអាហាររូបត្ថម្ភ

– វ័យលើសពី៦០ឆ្នាំ អមនឹងជំងឺប្រចាំកាយ

– ជំងឺតំរង់នោម សន្លាក់

– ការប្រើប្រាស់ថ្នាំ ៕