របបអាហារសមហេតុផល ជាមួយនឹងអាហារដែលមានប្រយោជន៍សម្រាប់ការសម្រកទម្ងន់ នឹងជួយអ្នកជាម្ចាស់នៃរូបរាងដែលចង់បាន។
កាហ្វេសុទ្ធ
កាហ្វេដែលមានជាតិកាហ្វេអ៊ីនជួយបំប្លែងអាស៊ីតខ្លាញ់ទៅជាថាមពលដែលងាយស្រួលប្រើប្រាស់ ជួយដុតបំផ្លាញជាតិខ្លាញ់ដែលលើស ធ្វើឱ្យរាងកាយរឹងមាំ និងស្លីមជាងមុន។ ជាតិកាហ្វេអ៊ីនក៏ជួយបញ្ចេញ lipolysis រំលាយជាតិខ្លាញ់ក្នុងឈាម កាត់បន្ថយបរិមាណខ្លាញ់ក្នុងឈាម កាត់បន្ថយការប្រមូលផ្តុំជាតិខ្លាញ់ក្រោមស្បែក។ លើសពីនេះ ការផឹកកាហ្វេក្នុងបរិមាណសមរម្យក៏នាំមកនូវអត្ថប្រយោជន៍ជាច្រើនដល់សុខភាពផងដែរ។
ម្សៅកាកាវសុទ្ធមានឥទ្ធិពលដូចគ្នា
ការផឹកកាហ្វេ ឬកាកាវសុទ្ធនៅពេលក្តៅ នឹងជួយដុតបំផ្លាញថាមពលបានលឿន ដោយហេតុនេះជួយដល់ការសម្រកទម្ងន់បានល្អ។
ចំណាំ៖ ដើម្បីសម្រកទម្ងន់ អ្នកមិនគួរបន្ថែមស្ករ ទឹកដោះគោ ឬជាតិផ្អែមទៅកាហ្វេ កាកាវឡើយ។
ម្សៅរមៀត
ម្សៅរមៀតមានសារធាតុ curcumin ដែលជាសារធាតុសកម្មដែលជួយកាត់បន្ថយកូឡេស្តេរ៉ុលក្នុងឈាម បង្កើនការរំលាយអាហារ និងកម្ចាត់ជាតិខ្លាញ់លើសចេញពីរាងកាយ។
Curcumin ចូលទៅក្នុងខ្លួនមិនត្រឹមតែជួយរំលាយជាតិខ្លាញ់លើសប៉ុណ្ណោះទេ ថែមទាំងការពារការបង្កើតសរសៃឈាមក្រោមស្រទាប់ខ្លាញ់ ការពារស្រទាប់ខ្លាញ់មិនឲ្យឡើងក្រាស់។ អ្នកគ្រាន់តែលាយម្សៅរមៀត ១-២ស្លាបព្រាបាយ ក្នុងទឹកក្តៅឧណ្ហៗជាមួយទឹកឃ្មុំបន្តិច រួចកូរឱ្យសព្វ ជាការស្រេច។
ប្រសិនបើអ្នកមិនមានជំងឺពោះវៀន និងក្រពះទេ អ្នកអាចបន្ថែមទឹកក្រូចឆ្មាកន្លះស្លាបព្រាបាយ ដើម្បីជួយឱ្យដំណើរការសម្រកទម្ងន់កាន់តែមានប្រសិទ្ធភាព៕
