១. ទឹកអាចជួយជម្រុញដល់ការរំលាយអាហាររ។តើអ្នកកំពុងតែព្យាយាមសម្រកទម្ងន់ តើមែនទេ? ការផឹកទឹក គឺអាចជួយជម្រុញដល់សម្តត្ថភាពរបស់ រាងកាយអ្នក ក្នុងការជួយដុតបំផ្លាញខ្លាញ់។
ការសិក្សាមួយ ដែលបានបោះពុម្ពផ្សាយ នៅក្នុងទស្សនាវដ្តីសុខភាព នៃមន្ទីព្យាបាលនូវការសិក្សាពីក្រពេញអង់ដូគ្រីន និង ការរំលាយអាហារ បានរកឃើញថា ការផឹកទឹក អាចបង្កើនដល់លទ្ធភាពនៃកម្រិត នូវការរំលាយអាហារ បានដល់៣០ភាគរយ ចំពោះបុរស និង ស្ត្រីដែលមានសុខភាពល្អ។ ការកើនឡើងនេះ នឹងកើតមានក្នុងរយៈពេល ត្រឹមតែ១០នាទីប៉ុណ្ណោះ ប៉ុន្តែប្រសិទ្ធិភាពដ៏ខ្លាំងក្លារបស់វា នឹងកើនដល់ ៣០ ទៅ ៤០នាទី បន្ទាប់ពីអ្នកបានផឹកទឹករួច។
២. ការសិក្សាផ្សេងទៀត ក៏បានបង្ហាញអោយដឹងទៀតផងដែរថា ការផឹកទឹកអោយបាន មួយ ឬ ពីរកែវ មុនពេលអ្នកទទួលទានអាហារ នោះវាអាចជួយបំពេញអោយអ្នកឆ្អែត និង មិនសូវឃ្លាន។ម្យ៉ាងវិញទៀត ការផឹកទឹកក្នុងបរិមាណមួយដ៏ត្រឹមត្រូវ វាក៏អាចជួយយើង ក្នុងការបង្ការបាននូវជំងឺគាំងបេះដូងបានផងដែរ។ លើសពីនេះទៅទៀត ការសិក្សាក៏បានបញ្ជាក់ទៀតដែរថា ការដែលអ្នកមានជាតិទឹកគ្រប់គ្រាន់ នៅក្នុងខ្លួន វានឹងធ្វើអាចជួយ អោយអ្នកកាត់បន្ថយបាន នូវឱកាសប្រឈមនឹងជំងឺមហារីកពោះវៀនធំ បានដល់ ៤៥ភាគរយ, ជំងឺមហារីកប្លោកនោមបានដល់ ៥០ភាគរយ ហើយក៏ប្រហែលនឹងអាចជួយ កាត់បន្ថយបាននូវការប្រឈមនឹងជំងឺមហារីកសុដន់បានផងដែរ ។
៣. ទឹកអាចជួយបង្ការអ្នកពីអាការៈឈឺក្បាល។ នៅក្នុងករណីសិក្សាមួយ ដែលត្រូវបានបោះពុម្ពផ្សាយ ដោយទស្សនាវដ្តី នៃប្រព័ន្ធប្រសាទសាស្ត្រ បានបង្ហាញថា ក្រុមអ្នកវិទ្យាសាស្ត្របានធ្វើការបែងចែកនូវ ចំនួនអ្នកមានជំងឺឈឺក្បាលប្រកាំង ដែលចូលរួមក្នុងការសិក្សាស្រាវជ្រាវនេះ ជាពីរក្រុមគឺ ក្រុមអ្នក ដែលបានលេបថ្នាំ និង ក្រុមអ្នកដែលបានធ្វើការផឹកទឹក ១លីត្រកន្លះ ( ប្រហែលជា ៦កែវ) បន្ថែមទៅលើ ការទម្លាប់នៃការផឹកទឹកជាប្រចាំថ្ងៃរបស់ពួកគេ។ បន្ទាប់ពីរយៈពេល ២សប្តាហ៍កន្លងមក ក្រុមអ្នកដែលបានផឹកទឹក ត្រូវបានរាយការណ៍ថាពួកគេ ហាក់នឹងមានការប្រឈមនឹងការឈឺចាប់ តិចជាង រយៈពេល ២១ម៉ោង និង កម្រិតនៃការឈឺចាប់មានការធ្លាក់ចុះ បើធ្វើការប្រៀបធៀបទៅនឹង ក្រុមមនុស្សដែលបានប្រើថ្នាំ។
៤.ទឹកអាចជួយអោយខួរក្បាលរបស់អ្នក ឆ្លាតវាងវៃ។ ខួរក្បាលរបស់យើងរាល់ៗគ្នា គឺត្រូវការនូវអុកស៊ីសែន ក្នុងកម្រិតដ៏ច្រើន ដើម្បីអោយវាមានដំណើរការទៅបានយ៉ាងល្អប្រសើរ ដូច្នេះការផឹកទឹកអោយបានច្រើន គឺពិតជាអាចជួយអ្នកបាន។ ការសិក្សាស្រាវជ្រាវបានបង្ហាញថា កម្រិតនៃការបាត់បង់ជាតិទឹក ត្រឹមតែ ១ភាគរយនៃរាងកាយគឺអាច កាត់បន្ថយបាននូវមុខងារនៃការគិតបានផងដែរ ។ ដូច្នេះ ការរក្សាខ្លួនអ្នក អោយមានជាតិទឹកគ្រប់គ្រាន់ គឺជាអ្វីដែលចាំបាច់បំផុត សម្រាប់មុខងាររបស់ខួរក្បាលរបស់អ្នក។
៥. វាជួយអោយអ្នកមានបាន។ ដោយសារតែវាជាភេសជ្ជះដែលមាន តម្លៃថោក ជាងប្រភេទភេសជ្ជៈដទៃៗទៀត ដូច្នេះវាអាចជួយសន្សំថវិការដល់អ្នកបាន យ៉ាងច្រើន ។ មិនត្រឹមតែប៉ុណ្ណោះ គឺវាពិតជាល្អចំពោះសុខភាពរបស់អ្នក ប្រសិនបើយើងធ្វើការប្រៀបធៀបទៅនឹង ប្រភេទភេសជ្ជៈបំប៉នកម្លាំងដទៃៗទៀត ។
៦. វាជួយអោយអ្នកមានស្មារតីភ្លឺស្វាងល្អ។ កង្វះសារធាតុរាវ គឺជាមូលហេតុទូទៅមួយ ដែលធ្វើអោយអ្នក អស់កម្លាំងនៅក្នុងពេលថ្ងៃ ដូច្នេះ ប្រសិនបើអ្នកហាក់នឹងមានអាការៈអស់កម្លាំង និង ត្រូវការសម្រាកនៅក្នុងពេលថ្ងៃ នោះអ្នកអាចផឹកទឹកមួយកែវបាន។ វាអាចជួយអោយអ្នក មានអារម្មណ៍ស្វាង ហើយធ្វើការបានល្អនៅក្នុងពេលថ្ងៃ ឬ យ៉ាងហោចណាស់ វាអាចជួយបង្ការអ្នកពីការឈានទៅរកបញ្ហាភ្លេចភ្លាំងផ្សេងៗបាន ។ អ្នកដឹងទេថាត្រឹមតែ ការបាត់បង់កម្រិតជាតិទឹក ត្រឹម២ភាគរយប៉ុណ្ណោះ វាក៏អាចបង្កើន ឱកាសអោយអ្នកប្រឈមនឹង ការបាត់បងការចងចាំក្នុងរយៈពេលខ្លីបានផងដែរ ៕
