ខាងក្រោមនេះ យើងខ្ញុំនឹងបង្ហាញអ្នកពីរបស់ដែលប៉ាម៉ាក់គួរតែឲ្យកូនមុនពេលកូនបាន៥ឆ្នាំ។ តើមានអ្វីខ្លះទៅ?
- មុនពេលដែលកូនបាន៥ឆ្នាំ ជាពេលដែលកូនរំពឹងចង់បានក្តីស្រឡាញ់ខ្លាំងណាស់ពីប៉ាម៉ាក់។ ដូចនេះ អ្នកម្តាយ និងលោកប៉ាគ្រប់រូបគួរតែផ្តល់ក្តីស្រឡាញ់ដល់កូន និងប្រាប់កូនថាអ្នកស្រឡាញ់គេ ទើបគេមិនមានអារម្មណ៍ថាឯកកោរ គ្មាននរណាត្រូវការ និងស្រឡាញ់។
- មាតាបិតាគួរតែផ្តល់ចិត្តអំណត់ដល់កូន ដោយគួរតែកំដរកូនលេង មិនគួរចុចតែទូរស័ព្ទហើយទុកកូនចោលនោះទេ។ នៅពេលដែលអ្នកគ្មានចិត្តអំណត់កំដរកូន នោះកូននឹងអស់សង្ឃឹមខ្លាំងណាស់។ ជាហេតុដែលធ្វើឲ្យគេធំឡើង មិនអាចក្លាយជាបុគ្គលដែលពូកែបានឡើយ។
- បច្ចុប្បន្ននេះ មានប៉ាម៉ាក់ច្រើនណាស់ដែលពេលថ្ងៃរវល់ការងារ ហើយពេលយប់ត្រឡប់ទៅផ្ទះវិញ មិនមានពេលកំដរកូនឡើយ ដោយគិតតែចុចទូរស័ព្ទ។ នៅពេលដែលអ្នកគ្មានពេលកំដរកូនបែបនេះ នឹងធ្វើឲ្យគេមិនអាចទទួលបានភាពកក់ក្តៅពីអ្នកឡើយ។ ដូចនេះ អ្នកគួរតែទុកពេលកំដរកូនឲ្យបានច្រើន ទើបអាចធ្វើឲ្យអនាគតកូនរីកចម្រើន៕
