វីតាមីន C គឺជាវីតាមីន ដ៏សំខាន់មួយដែលរាងកាយមិនអាចផលិតបានដោយខ្លួនឯង។ វាមាននាទីច្រើនណាស់ក្នុងរាងកាយ ហើយក៏ជាប់ទាក់ទងនឹងសុខភាពផងដែរ។ វាគឺជាវីតាមីនដែលរលាយក្នុងទឹក និងត្រូវបានគេរកឃើញក្នុងបន្លែ និងផ្លែឈើដូចជា ក្រូច ស្ត្របឺរី ផ្លែគីវី ម្ទេសប្លោក ប្រូខូលី និងស្ពៃស្ពីណាចជាដើម។ (អាន:ស្បែកកូនរបស់អ្នកនឹងស្អាតហើយមិនរមាស់បើធ្វើតាមវិធីនេះ តើកូនស្រីរបស់អ្នកចេះតែរមាស់ស្បែកមែនទេ?) តម្រូវការវីតាមីន C ប្រចាំថ្ងៃគឺ ៧៥មីលីក្រាមសម្រាប់ស្រ្តី ៩០មីលីក្រាមសម្រាប់បុរស។

ជំងឺបេះដូងគឺជាជំងឺដែលនាំឲ្យមនុស្សស្លាប់ច្រើនជាងគេងបំផុតនៅទូរទាំងពិភពលោក។ ត្តាជាច្រើនដែលធ្វើឲ្យប្រឈមនឹងជំងឺបេះដូងមានដូចជា លើសសម្ពាធឈាម លើសកូឡេស្តេរ៉ុលអាក្រក់ក្នុងឈាម និងលើ Triglyceride ក្នុងឈាម។ វីតាមីន C ប្រហែលជាជួយបន្ថយការប្រឈមមុខទាំងនេះបាន ដូច្នេះក៏អាចបន្ថយការកើតជំងឺបេះដូងដែរ។ ឧទាហរណ៍ ការសិក្សាចំនួន ៩ ដែលធ្វើទៅលើមនុស្សប្រមាណ ២៩៣១៧២នាក់ រយៈពេល ១០ឆ្នាំ បានរកឃើញថា អ្នកដែលបានប្រើប្រាស់វីតាមីន C យ៉ាងហោចណាស់ ៧០០មីលីក្រាមជារៀងរាល់ថ្ងៃ ឃើញថា អាចបន្ថយការប្រឈមនឹងជំងឺបេះដូងជាងអ្នកដែលមិនបានប្រើវីតាមីន C រហូតដល់ ២៥ភាគរយ។(អាន:ថ្នាំងងុយគេង ពេលអ្នកគួរប្រើ) អ្វីដែលគួរឲ្យចាប់អារម្មណ៍នោះគឺថា ការញ៉ាំវីតាមីន C ពីអាហារ ប៉ុណ្ណោះ មានជាប់ទាក់ទងនឹងការថយចុះជំងឺបេះដូងដែរ។ 

ទោះបីជាយ៉ាងណាក៏ដោយ អ្នកវិទ្យាសាស្រ្តមិនបានប្រាកដថា តើអ្នកដែលញ៉ាំអាហារសម្បូរវីតាមីន C ក៏មានរបៀបរស់នៅផ្តល់សុខភាពជាងអ្នកដែលលេបថ្នាំបំប៉នរអត់ឡើយ។ ដូច្នេះ វានៅតែមិនច្បាស់ថា តើមានភាពខុសគ្នារវាងការញ៉ាំវីតាមីន C ពីអាហារ និងថ្នាំបំប៉នដដែល។ តាមការវិភាគបានរកឃើញថា ការញ៉ាំវីតាមីន C អាចបន្ថយចំនួនកូឡេស្តេរ៉ុលអាក្រក់យ៉ាងហោចណាស់ ៧.៩mg/dL និង Triglyceride បាន ២០.១mg/dL នៅពេលញ៉ាំវីតាមីន នេះជាប្រចាំថ្ងៃ ៥០០មីលីក្រាម៕