អស់បារម្ភទៀតហើយ! កម្ចាត់ស្នាមសង្វារបានយ៉ាងឆាប់រហ័ស ដោយគ្រាន់តែប្រើប្រេងដូង

ជាធម្មតា ស្នាមសង្វារ​ ច្រើនជាប់ទាក់ទងជាមួយនឹងការមានផ្ទៃពោះ ប៉ុន្តែវាក៏អាចកើតឡើងដោយសារស្ថានភាពផ្សេងទៀតដូចជា ការកើន ឬស្រកទម្ងន់ភ្លាមៗ, បញ្ហាអតុល្យភាពនៃអ័រម៉ូន និងជំងឺមួយចំនួនផងដែរ។ (អាន ៖ ស្បែកកូនរបស់អ្នកនឹងស្អាតហើយមិនរមាស់បើធ្វើតាមវិធីនេះ តើកូនស្រីរបស់អ្នកចេះតែរមាស់ស្បែកមែនទេ?) បើទោះបីជាស្នាមសង្វារអាចបាត់ទៅវិញដោយឯកឯងក៏ដោយ ក៏ប៉ុន្តែវាត្រូវការរយៈពេលយូរ។ ហើយផលិតផលបំបាត់សង្វារផ្សេងៗក៏មិនខ្វះដែរ គ្រាន់តែភាគច្រើនមានផ្ទុកសារធាតុគីមីប៉ះពាល់ដល់សុខភាព។ ដូច្នេះថាតើធ្វើយ៉ាងណាទើបអាចបំបាត់ស្នាមសង្វារបានឆាប់រហ័ស, ចំណាយអស់តិច ហើយមិនផ្ដល់ឥទ្ធិពលអវិជ្ជមានអ្វីដល់ស្បែកនោះ? កុំបារម្ភ! ខាងក្រោមវេបសាយសុខភាព Health.com.kh នឹងបង្ហាញឲ្យដឹងពីវិធីសាស្ត្រដ៏ងាយ ប៉ុន្តែមានប្រសិទ្ធិភាពខ្ពស់ជួយបំបាត់ស្នាមសង្វារយ៉ាងឆាប់រហ័ស ដោយគ្រាន់តែប្រើប្រាស់ប្រេងដូង ៖

១. ប្រេងដូង 

អ្វីដែលអ្នកត្រូវធ្វើ គឺគ្រាន់តែប្រើប្រាស់ប្រេងដូងប៉ុន្មានដំណក់ម៉ាស្សាលើស្នាមសង្វារ ហើយទុករហូតដល់ជ្រាបចូលក្នុងស្បែកទាំងស្រុង។ អនុវត្តន៍ឱ្យបានជាប្រចាំ។

២. ប្រេងដូង ជាមួយស្ករស និងអំបិល

អ្វីដែលអ្នកត្រូវធ្វើ គឺលាយប្រេងដូងចំនួន កន្លះពែង ជាមួយស្ករស ១ ពែង និងអំបិល ១ ពែង។ កូរឱ្យសព្វ សឹមលាបម៉ាស្សាល្បាយលើស្នាមសង្វារសម្រាប់រយៈពេលយ៉ាងហោចណាស់ ៥ នាទី។ ហើយទុកចោលសម្រាប់រយៈពេល ១០ នាទី សឹមលាងសម្អាតចេញជាមួយទឹកធម្មតា។ អនុវត្តន៍ឱ្យបានជាប្រចាំ។

៣. ប្រេងដូងជាមួយរមៀត

អ្វីដែលអ្នកត្រូវធ្វើ គឺលាយប្រេងដូងចំនួន ២ ស្លាបព្រាបាយ ជាមួយប្រេងរមៀត ១ ស្លាបព្រាកាហ្វេ ចូលគ្នាឱ្យសព្វ។ លាបល្បាយលើស្នាមសង្វារ ទុកចោលសម្រាប់រយៈពេល ១៥ នាទី សឹមលាងសម្អាតចេញជាមួយទឹកធម្មតា។ អនុវត្តន៍ឱ្យបានជាប្រចាំ។ អ្នកក៏អាចបន្ថែមទឹកក្រូចឆ្មារស្រស់ចំនួន ១ ស្លាបព្រាកាហ្វេ ដើម្បីទទួលបានអត្ថប្រយោជន៍កាន់តែប្រសើរ។

៤. ប្រេងដូងជាមួយប្រេងអូលីវ

អ្វីដែលអ្នកត្រូវធ្វើ គឺលាយប្រេងដូង និងប្រេងអូលីវចំនួនសមល្មមស្មើគ្នាចូលគ្នាឱ្យសព្វ រួចលាបល្បាយនេះលើស្នាមសង្វារសម្រាប់រយៈពេល ២ ទៅ ៣ នាទី ឬរហូតដល់ជ្រាប់ចូលស្បែកអស់។ អនុវត្តន៍ឱ្យបានជាប្រចាំ។

ចំណុចគួរកត់សម្គាល់ ៖ ជៀស​វាងការប្រើប្រាស់ប្រេងដូង ប្រសិនបើអ្នកប្រតិកម្ម ឬអាឡែកស៊ីជាមួយវា។ ហើយត្រូវប្រើប្រាស់ប្រេងដូងសុទ្ធ ឬបែបសរីរាង្គ។ ត្រូវមានការអត់ធ្មត់រងចាំ ដោយបន្តអនុត្តន៍ជាប្រចាំរហូតទទួលបានលទ្ធផលគាប់ចិត្ត៕