ការបាត់បង់ការស្តាប់ វាបង្កផលប៉ះពាល់យ៉ាងធ្ងន់ធ្ងរដល់ជីវភាពរស់នៅប្រចាំថ្ងៃរបស់មនុស្សយើង ជាពិសេសចំពោះការប្រាស្រ័យទាក់ទងគ្នា និងអាចនាំទៅរកភាពឯកោនៅក្នុងសង្គម បាក់ទឹកចិត្ត និងការព្រួយបារម្ភ។ នេះបើយោងតាមផេកមន្ទីរពេទ្យកាល់ម៉ែតបានផ្សាយនាកន្លងមកថ្មីៗនេះ ។
ការបាត់បង់ការស្តាប់មានទំនាក់ទំនងនឹងបញ្ហាសុខភាពជាច្រើន រួមមានដូចជា៖
១- ចំពោះទារក៖
- ម្តាយកើតស្អូចកំឡុងពេលមានផ្ទៃពោះ
- ម្តាយកើតអ៊ុតស្វាយពេលពរពោះ
- ម្តាយកើតកញ្ជ្រិលពេលពរពោះ
- ម្តាយប្រើថ្នាំផ្សះ cytotoxicity
- កើតមកមិនគ្រប់ខែ
- កើតមកមិនគ្រប់គីឡូ
- កើតមកសំបុរពណ៌លឿង
- កង្វះអុកស៊ីសែន សំបុរស្វាយ រឺខៀវ
២- ចំពោះកុមារ៖ - រលាកត្រចៀករ៉ាំរ៉ៃ
- កញ្ជ្រិល ក្រឡទែន
- ក្រអូមមាត់ឆែប អូទីស្សឹម
- រើម ស្អូច អ៊ុតស្វាយ
- រលាកច្រមុះអាល់ឡែកស៊ី
- ផ្តាសាយធំញឹកញាប់
- យឺតយ៉ាវក្នុងការនិយាយ
- យឺតការទំនាក់ទំនង
៣- មនុស្សធំ៖ - ជំងឺរើម ក្រឡទែន
- គ្រុនចាញ់ របេង
- ប៉ះទង្គិចក្បាល ត្រចៀក
- ប្រើប្រាស់ថ្នាំព្យាបាលច្រើន
- ធ្វើការកន្លែងមានសំលេងខ្លាំង
- រលាកស្រោមខួរក្បាល
- ផ្តាសាយធំ អាឡែកស៊ីច្រមុះ
- រលាកប្រអប់ឆ្អឹងមុខ
៤- មនុស្សចាស់៖ - លើសសម្ពាធឈាម
- គ្រុនចាញ់ របេង
- ជំងឺទឹកនោមផ្អែម
- ជំងឺបេះដូង មហារីក
- កង្វះអាហាររូបត្ថម្ភ
- វ័យលើសពី៦០ឆ្នាំ អមនឹងជំងឺប្រចាំកាយ
- ជំងឺតំរង់នោម សន្លាក់
- ការប្រើប្រាស់ថ្នាំ
អាស្រ័យដូចបានជំរាបជូនខាងលើនេះ សូមអស់លោក លោកស្រី ដែលមានបញ្ហាកម្សោយការស្តាប់ សូមអញ្ជើញមកមន្ទីរពេទ្យកាល់ម៉ែត ផ្នែកត្រចៀក ច្រមុះ និងបំពង់ក ដើម្បីពិនិត្យ និងវាយតំលៃកំរិតនៃការបាត់បង់ការស្តាប់ជាមួយក្រុមគ្រូពេទ្យដែលមានជំនាញច្បាស់លាស់ ដើម្បីទទួលបាននូវការព្យាបាល និងស្តារឡើងវិញនូវការស្តាប់របស់លោក លោកស្រី។