កាលណាកាហ្វេត្រូវបានឆុងជាមួយទឹកក្តៅ ហើយក្រេបញ៉ាំតិចៗទៀតនោះ វានឹងក្លាយទៅជាភេសជ្ជៈដ៏អស្ចារ្យមួយដោយសារតែសារធាតុគីមីជាច្រើនក្នុងកាហ្វេនោះ។ (អាន:ស្បែកកូនរបស់អ្នកនឹងស្អាតហើយមិនរមាស់បើធ្វើតាមវិធីនេះ តើកូនស្រីរបស់អ្នកចេះតែរមាស់ស្បែកមែនទេ?) ភាគច្រើនសារធាតុគីមីទាំងនោះគឺជាអង់ទីអុកស៊ីដង់ ដែលជួយការពារកុំឲ្យមានសម្ពាធអុកស៊ីតកម្មក្នុងរាងកាយដែលបណ្តាលមកពីរ៉ាឌីកាលសេរី។ 

ការធ្វើអុកស៊ីតកម្មត្រូវបានគេជឿថា ជាយន្តការមួយនៅពីក្រោយភាពចាស់ទៅតាមអាយុ និងច្រើនតែជាជំងឺធ្ងន់ធ្ងរដូចជា ជំងឺមហារីក និងបេះដូងជាដើម។ កាហ្វេគឺជាប្រភពធំបំផុតនៃអង់ទីអុកស៊ីដង់ ហើយក៏ច្រើនជាងផ្លែឈើ និងបន្លែថែមទៀតផង។ 

នៅពេលយើងធ្វើល្អចំពោះខ្លួនឯងតាមរយៈការញ៉ាំកាហ្វេមួយពែង អ្នកទំនងជាមិនទទួលបានទាំងជាតិកាហ្វេអ៊ីនរបស់វាទេ តែអ្នកនឹងទទួលបានប្រយោជន៍ជាច្រើនផ្សេងៗទៀតរួមទាំងអង់ទីអុកស៊ីដង់ផងដែរ។ តាមការសិក្សាជាច្រើនបានបង្ហាញថា ការញ៉ាំកាហ្វេទៀងទាត់ មានជាប់ទាក់ទងនឹងការថយចុះការប្រឈមនឹងការស្លាប់ដោយសារតែជំងឺធ្ងន់ធ្ងរជាច្រើន។ តាមការសិក្សាដ៏សំខាន់មួយក្នុងឆ្នាំ ២០១២ ទៅលើការញ៉ាំកាហ្វេចំពោះមនុស្សប្រមាណ ៤០២២៦០នាក់ អាយុពី ៥០ ទៅ៧១នាក់ បានសង្កេតឃើញថា អ្នកដែលញ៉ាំកាហ្វេច្រើនបំផុតទំនងជាមិនងាយស្លាប់ក្នុងរយៈពេលតាមដាន ១២ ទៅ ១៣ឆ្នាំឡើយ។ (អាន:ថ្នាំងងុយគេង ពេលអ្នកគួរប្រើ)

តាមការញ៉ាំកាហ្វេពី ៤ ទៅ ៥ពែងក្នុងមួយថ្ងៃគេរកឃើញថា បុរស មានការថយចុះការឆាប់ស្លាប់បាន ១២ភាគរយ ខណៈពេលដែលស្រ្តីបាន ១៦ភាគរយ។ ទោះបីជាយ៉ាងណាក៏ដោយ ការញ៉ាំកាហ្វេកម្រិតមធ្យម ឬត្រឹមមួយពែងក្នុងមួយថ្ងៃក៏អាចបន្ថយការឆាប់ស្លាប់បានរហូតដល់ ៥ ទៅ៦ភាគរយដែរ។ អ្នកស្រាវជ្រាវបានរកឃើញទៀតថា អ្នកញ៉ាំកាហ្វេទំនងជាមិនងាយស្លាប់ដោយសារតែការបង្ករោគ ការមានរបួស គ្រោះថ្នាក់ ជំងឺផ្លូវដង្ហើម ជំងឺទឹកនោមផ្អែម ជំងឺដាច់សរសៃឈាមខួរក្បាល និងជំងឺបេះដូង៕