ដូចដឹងស្រាប់ហើយថាសាច់អាំង មិនល្អប៉ុន្មានសម្រាប់សុខភាពទេ តែធ្វើម៉េចបើហាមចិត្តមិនបាន ព្រោះតែឆ្ងាញ់ពេកហ្នឹងណា។ សម្រាប់អ្នកចូលចិត្តញ៉ាំសាច់អាំង អានអត្ថបទនេះហើយច្បាស់ជាសប្បាយចិត្ត ព្រោះបានដឹងពីវិធីញ៉ាំសាច់អាំងម៉េច ឲ្យសុខភាពនៅតែល្អ។
តើញ៉ាំសាច់អាំងរបៀបម៉េចដើម្បីកុំឲ្យប៉ះពាល់ដល់សុខភាព?
១. ជ្រើសរើសសាច់ ដែលមិនសូវជាប់ខ្លាញ់ ឬជៀរផ្នែកត្រង់ខ្លាញ់ចេញ ។ ដើម្បីចៀសវាងខ្លាញ់ស្រក់ទៅលើធ្យូងពេលកំពុងអាំង យើងអាចប្រើស្លឹកចេក ខ្ចប់សាច់បាន ធ្វើបែបនេះក៏អាចធ្វើឲ្យសាច់មានក្លិនឈ្ងុយស្លឹកចេកដែរ។
២. បើសិនជាប្រើចង្ក្រានធ្យូងសម្រាប់អាំងគួរតែជ្រើសរើសយកធ្យូងអនាម័យ។កុំប្រើធ្យូងម៉ដ្ឋៗឬឈើធំៗ ព្រោះវាធ្វើឲ្យមានអណ្តាតភ្លើងនិងកម្តៅខ្លាំង
៣. នៅពេលសាច់ឆ្អិនវានឹងមានផ្នែកខ្លោចខ្មៅៗខ្លះមិនត្រូវញ៉ាំផ្នែកនោះទេត្រូវតែកាត់ចេញ
៤. ត្រូវញ៉ាំអាហារចម្រុះទាំងបន្លែ និងផ្លែឈើដើម្បីសុខភាពមិនគួរញ៉ាំតែសាច់មួយមុខទេ
៥. កាត់បន្ថយការញ៉ាំទឹកជ្រលក់ ដើម្បីចៀសវាងគ្រោះថ្នាក់ដល់សុខភាព បើសិនជាទឹកជ្រលក់នោះសល់យូរ
៦. គួរតែផឹកទឹកជំនួសឲ្យ ភេសជ្ជៈកំប៉ុង ឬភេសជ្ជៈដែលមានជាតិស្ករផ្សេងៗទៀត
៧. បើសិនជាទៅញ៉ាំនៅហាងគួរតែជ្រើសរើសហាងណាដែលប្រើចង្ក្រានអគ្គិសនីឬចង្ក្រានគ្មានផ្សេងដើម្បីការពារការស្រក់ខ្លាញ់ទៅលើរងើកភ្លើងនិងអាចគ្រប់គ្រងកម្តៅបានល្អជាងចង្ក្រានធ្យូង
៨. កុំញ៉ាំច្រើនពេកដូចជាបូហ្វេមិនគួរញ៉ាំឲ្យស្មើនឹងតម្លៃទេគួរតែញ៉ាំត្រឹមម៉ាឆ្អែតបានហើយ។