ការគេងគ្រប់គ្រាន់គឺជាផ្នែកមួយសំខាន់សម្រាប់សុខភាពផ្លូវកាយ និងផ្លូវចិត្ត។ ប៉ុន្តែបើអ្នកគេងមិនគ្រប់ អាចមានបញ្ហាច្រើនប៉ះពាល់ដល់ខ្លួនអ្នក។ ខាងក្រោមនេះជាផលវិបាកដែលកើតឡើងពីការគេងមិនគ្រប់
១. ធ្វើឲ្យស្បែកខូច និងមិនភ្លឺថ្លា ៖ ការគេងមិនគ្រប់អាចធ្វើឲ្យស្បែកខ្សោយ កើតជ្រីវជ្រួញឆាប់ និងមានស្នាមអុចខ្មៅក្រោមភ្នែក ។ ខួរក្បាលផលិត cortisol (ជាតិធ្វើឲ្យតានតឹង) ច្រើនពេក ប៉ះពាល់ដល់ collagen ដែលជាសារធាតុធ្វើឲ្យស្បែកស្រស់ស្អាត ។
២. បាត់បង់ថាមពល និងមានអារម្មណ៍អស់កម្លាំង ៖ បើមិនគេងគ្រប់ អ្នកអាចមានអារម្មណ៍អស់កម្លាំងពេលព្រឹក ។ ការគេងមិនល្អប៉ះពាល់ដល់ប្រព័ន្ធរំលាយអាហារ និងធ្វើឲ្យខ្លួនមានអារម្មណ៍ធុញថប់ ។
៣. ប៉ះពាល់ដល់ការចងចាំ និងការសម្រេចចិត្ត ៖ ខួរក្បាលត្រូវការគេងដើម្បីរៀបចំព័ត៌មាន និងបង្កើនការចងចាំ ។ បើគេងមិនគ្រប់ អ្នកអាចលែងមានការចងចាំល្អ និងសម្រេចចិត្តខុស ។
៤. បង្កើនការតានតឹង និងអារម្មណ៍អវិជ្ជមាន ៖ ការគេងមិនគ្រប់អាចធ្វើឲ្យអ្នកមានអារម្មណ៍ខឹង ឬភ័យបារម្ភខ្លាំង ។ វាក៏ប៉ះពាល់ដល់ប្រព័ន្ធធ្វើឲ្យមានសុខភាពផ្លូវចិត្ត ។
៥. បង្កើនហានិភ័យនៃជំងឺ ៖ ការគេងមិនគ្រប់អាចបង្កើនហានិភ័យនៃជំងឺបេះដូង សម្ពាធឈាមខ្ពស់ និងឈឺសល់ឈាម ។ វាក៏អាចប៉ះពាល់ដល់ប្រព័ន្ធភាពស៊ាំរបស់ខ្លួន ។
៦. ធ្វើឲ្យខ្លាញ់កើនឡើង និងមានបញ្ហាទម្ងន់ ៖ ការគេងមិនគ្រប់អាចធ្វើឲ្យខ្លាញ់កើនឡើង ព្រោះវាប៉ះពាល់ដល់ការរំលាយអាហារ ។ វាបង្កើនជាតិស្ករក្នុងឈាម និងអាចនាំឲ្យអ្នកមានបញ្ហាដូចជា ជំងឺទឹកនោមផ្អែម ៕