លុយអាចទិញការរួមភេទ ប៉ុន្តែវាមិនអាចទិញស្នេហាដ៏ស្មោះត្រង់ និងពោរពេញដោយការស្រឡាញ់គ្នាអស់ពីបេះដូងឡើយ ។ ទន្ទឹមនោះ យើងក៏ត្រូវទទួលស្គាល់ថា បើគ្មានលុយ ស្នេហាអាចនឹងពិបាក ។
រឿងស្នេហ៍ គឺពិតជាគ្មានព្រំដែន នៅពេលដែលគេនិយាយអំពីភេទសម្ព័ន្ធ ប៉ុន្តែនៅក្នុងសម័យនេះស្នេហ៍ដាច់ខាតត្រូវតែមានទំនាក់ទំនងនឹងលុយ ទោះជាតិច ឬច្រើន គឺវាត្រូវតែពាក់ព័ន្ធគ្នាដាច់ខាត។ ដូច្នេះ បុរសនិងនារី គួរតែរិះគិតចំណុចនេះ ។
សេចក្តីស្នេហ៍នៅក្នុងទំនាក់ទំនងភេទសម្ព័ន្ធ វាអាចកើតឡើងដោយចៃដន្យ ដោយប្រការណាមួយ ។ ទំនាក់ទំនងភេទសម្ព័ន្ធ ជាការសម្រេចចិត្តផ្ទាល់ខ្លួន ហើយជាតម្រូវការនៃជីវសាស្ត្ររបស់មនុស្សនៅក្នុងនាមជាភាវរស់មួយ ។ ចំណង់ភេទសម្ព័ន្ធមួយឆាវពេលខ្លះវាអាចនឹងហួស ពីការគ្រប់គ្រងនៅក្រោម ឥទ្ធិពលនៃកត្តាជាច្រើនដូចជា គ្រួសារ ប្រពៃណី វប្បធម៌ និងតម្លៃផ្ទាល់ខ្លួន ឫក៏អាចបណ្តាលមកពីឥទ្ធិពលមិត្តភ័ក្តិ និងស្ថានភាពនៃទំនាក់ទំនងរបស់អ្នកប៉ុន្តែចំណងនៃសេចក្តីស្នេហ៍នេះនឹងមិនអាចរក្សាបានយូរអង្វែងបានឡើយ ប្រសិនបើខ្វះលុយ ។
ចំណងភេទសម្ព័ន្ធគឺវាអាចផ្ទុះចេញមួយឆាវ ហើយអាចនឹងបណ្តាលឲ្យស្ត្រីនិងបុរសបង្កាត់ភ្លើងស្នេហ៍ដ៏រោលរាលមួយឆាវនៃចំណង់ភ្លាមៗ ។ នៅក្នុងដំណាក់កាលនេះ អ្នកខ្លះដែល ទប់ជាប់ គឺអាចជាប់ ប៉ុន្តែអ្នកខ្លះគឺពិតជាពិបាកនឹងទប់ណាស់ ហើយវានឹងប្រេះឆានៅពេលអនាគត ប្រសិនបើដៃគូមិនយល់ចិត្តគ្នាលើបញ្ហាលុយ ។ ការរក្សាចំណងភេទសម្ព័ន្ធបានយូរ អង្វែងរហូតដល់ចាស់ព្រឹទ្ធចាស់ព្រេងបាន គឺលុះត្រាតែដៃគួពាក់ព័ន្ធ ពិតជាមានការរួមផ្សំ និងលុយនេះដោយជៀសមិនរួច ។
ជាការពិត រង្វាស់រង្វាល់នៃបញ្ហាលុយនៅក្នុងចរន្តនៃការថែរក្សាភេទសម្ព័ន្ធរបស់មនុស្ស វាខុសៗគ្នា ដោយខ្លះគឺគេត្រូវការច្រើន ខ្លះក្នុងចំនួនសមរម្យ ។ ជាទូទៅអ្នកដែលមានសុភមង្គល ហើយ អាចរក្សាចំណងភេទសម្ព័ន្ធតាំងពីចាប់ផ្តើមរហូត ដល់ចុងបញ្ចប់នៃជីវិតនៅពេលដែលបុរសនិងនារីភពប្រសព្វគ្នានៅក្នុងសង្គមជីវភាពនេះគឺជាក្រុមមនុស្សដែលរក្សាបាននូវតុល្យភាព នៃភេទសម្ព័ន្ធនិងលុយនេះនៅក្នុងកម្រិត សមាមាត្រ មួយសមរម្យ មិនច្រើនពេកហើយក៏មិនតិចពេក ។
ពោលគឺនៅក្នុងកម្រិតមួយ ដែលសម រម្យ សម្រាប់ទប់លំនឹងនៃជីវភាពរស់នៅប្រចាំថ្ងៃរបស់ពួកគេបាន ។ មានន័យថា ពួកគេអាចមាន ហូបចុក មានការងារ មានលុយសម្រាប់ កំសាន្តនិងការចំណាយផ្សេងៗ នៅក្នុងជីវភាព ប្រចាំថ្ងៃ ហើយក៏អាចនឹងបង្កើតនូវសង្គមគ្រួសារ មួយដោយមិនពិបាកលើបញ្ហានេះ ។
ស្នេហា និងបញ្ហាភេទសម្ព័ន្ធនេះជារឿងសំខាន់ ប៉ុន្តែវាមិនគ្រប់គ្រាន់ក្នុងការធ្វើឲ្យទំនាក់ទំនងមានស្នេហ៍និងភេទសម្ព័ន្ធនេះអាចធ្វើដំណើររួមគ្នាជានិរន្តបានឡើយប្រសិនបើមានបញ្ហាលុយ ។ លុយត្រូវតែពាក់ព័ន្ធ ហើយវានឹងមានបញ្ហាធ្ងន់ធ្ងរក្នុងករណីដែលមានស្នេហា និងភេទ សម្ព័ន្ធដោយគ្មានលុយ។ លុយសំខាន់ណាស់ ហើយជីវិតដែលមិនមានលុយ គឺពិតជា ពិបាកទទួលបានការគោរព និងថែរក្សា។
មានតែស្នេហានិងភេទសម្ព័ន្ធតែគ្មានលុយជីវិតនឹងមិនមានន័យគ្រប់គ្រាន់ឡើយ ប៉ុន្តែប្រសិនបើដៃគូ ពេលសម្រេចចិត្តចាប់ដៃគ្នា ហើយនិយាយពីលុយ ពីផ្លូវដែល ត្រូវប្រើប្រាស់លុយ ក៏ដូចជាវិធីដើម្បីបង្កើនលុយ ការយកចិត្តទុកដាក់ នៅលើ ការគ្រប់ គ្រងលុយ ហើយដាក់ចេញនូវគោលដៅខិតខំរួមគ្នារកលុយ នោះជីវិតនៃសេចក្តីស្នេហ៍ និងការរក្សាភេទសម្ព័ន្ធគឺច្រើនតែមានសុភមង្គល ទោះជាពេលដែលចាប់ផ្តើមគ្មាន លុយក៏ដោយចុះ ។
បុរសនិងនារីដែលអាចចាប់ដៃគ្នារក្សានូវទំនាក់ទំនងស្នេហ៍និងក្តីស្រលាញ់ គឺដាច់ ខាតគឺត្រូវតែរក្សាភេទសម្ព័ន្ធ ការស្វែងរកលុយ ថែរក្សាលុយ និង គ្រប់គ្រងលុយបានល្អ ។ ទោះជាតិចឫច្រើន គឺជីវិតជាគូរបស់បុគ្គលទាំងពីរច្រើនតែអាចបង្កើតបាននូវគ្រួសារមួយ ដែលមានទំនាក់ទំនងដ៏ផ្អែមល្ហែមនឹងគ្នាជានិរន្ត ទោះជាត្រូវមានបញ្ហាប៉ះទង្គិតគ្នា ដោយជៀសមិនរួចក៏ដោយចុះ ៕