ខាងក្រោមនេះ Health.com.khយើងខ្ញុំនឹងបង្ហាញអ្នកពីរឿងដែលស្វាមីមិនគួរធ្វើពេលដែលប្រពន្ធមានផ្ទៃពោះ។ តើមានអ្វីខ្លះទៅ?(អាន:ស្បែកកូនរបស់អ្នកនឹងស្អាតហើយមិនរមាស់បើធ្វើតាមវិធីនេះ តើកូនស្រីរបស់អ្នកចេះតែរមាស់ស្បែកមែនទេ?)
- ពេលដែលប្រពន្ធមានផ្ទៃពោះ គេអាចនឹងខ្លាចក្តៅខ្លាំង។ ដូចនេះ អ្នកមិនគួរព្រោះតែចង់សន្សំភ្លើង ហើយមិនឲ្យប្រពន្ធបើកកង្ហារ ឬម៉ាស៊ីនត្រជាក់ឡើយ ព្រោះអាចធ្វើឲ្យគេពិបាកទ្រាំ។
- នារីដែលមានផ្ទៃពោះ អាចបត់ជើងតូចច្រើន។ ដូចនេះ អ្នកមិនគួរបន្ទោសគេក្នុងការចូលបន្ទប់ទឹកច្រើននោះទេ ដោយគួរតែចេះបារម្ភពីគេ ទើបអាចផ្តល់កម្លាំងចិត្តបានគ្រប់គ្រាន់។
- ពេលដែលមានផ្ទៃពោះ នារីតែងមានអាការៈរមួលក្រពើនៅពាក់កណ្តាលយប់។ ដូចនេះ អ្នកគួរតែចេះជួយម៉ាស្សា ដោយមិនគួរគេងដូចជាជ្រូកនោះទេ។
- ស្ត្រីមានផ្ទៃពោះ អាចនឹងពិបាកគេងលក់ស្រួលណាស់ ដោយសារតែពោះធំ ហើយកូនក្នុងផ្ទៃកម្រើកច្រើនទៀត។ ដូចនេះ នៅពេលដែលភរិយាអ្នកគេង អ្នកមិនគួរទៅរំខាន ហើយបន្ទោសគេថា គិតតែគេង មិនធ្វើការងារផ្ទះនោះទេ។
- នៅពេលដែលប្រពន្ធក្អួតច្រើន អ្នកមិនគួរស្តីបន្ទោសដល់គេឡើយ ដោយគួរតែជួយផ្តល់កម្លាំងចិត្ត ទើបគេអាចបន្តដើរទៅមុខបាន។
- ទោះជាប្រពន្ធមានផ្ទៃពោះប៉ុន្មានដងក៏ដោយ ក៏អ្នកគួរតែយកចិត្តទុកដាក់ចំពោះគេដែរ ទើបមិនធ្វើឲ្យគេពិបាកចិត្ត។
- មិនថាប្រពន្ធប្រែប្រួលរូបរាងទៅជាធាត់យ៉ាងណាទេ ក៏អ្នកគួរតែបន្តផ្តល់ក្តីស្រឡាញ់ចំពោះគេ ដើម្បីឲ្យគេមានអារម្មណ៍សុវត្ថិភាព។
- ពេលដែលប្រពន្ធទៅពិនិត្យពោះម្តងៗ អ្នកគួរតែកំដរ មិនគួរទុកការងារជាសំខាន់ ហើយមិនជូនគេទៅពិនិត្យឡើយ ព្រោះកូនក៏មានចំណែកអ្នកផងដែរ។
- ពេលដែលមានផ្ទៃពោះ នារីងាយនឹងឃ្លានណាស់ ព្រោះញ៉ាំតែម្នាក់ ប៉ុន្តែចិញ្ចឹមពីរនាក់។ ដូចនេះ ក្នុងនាមជាស្វាមី គួរតែចេះធ្វើម្ហូប ឬទិញអាហារដែលប្រពន្ធចូលចិត្តឲ្យគេញ៉ាំ។
- ប្រពន្ធពោះធំ អ្នកមិនគួររត់ទៅរកក្រៅឡើយ ព្រោះភរិយាអ្នកខំប្រឹងដើម្បីពរពោះកូនជូនអ្នក។ ដូចនេះ អ្នកគួរតែចេះយល់ចិត្តគេ ទើបធ្វើឲ្យគេទទួលបានការស្រឡាញ់ពេញលេញ៕
- (អាន:ថ្នាំងងុយគេង ពេលអ្នកគួរប្រើ)