ធម្មតាអាកាសធាតុនៅរដូវក្តៅគឺក្តៅខ្លាំងណាស់ ដូច្នេះយកល្អគួរតែសម្គាល់ឲ្យដឹងអំពីអាការៈនៃការក្តៅខ្លាំងដោយសារពន្លឺព្រះអាទិត្យផង។ ជាធម្មតា រាងកាយមនុស្សយើងអាចសម្របសម្រួលសីតុណ្ហភាពបានតាមរយៈការបែកញើស។ (អាន:ស្បែកកូនរបស់អ្នកនឹងស្អាតហើយមិនរមាស់បើធ្វើតាមវិធីនេះ តើកូនស្រីរបស់អ្នកចេះតែរមាស់ស្បែកមែនទេ?)ប៉ុន្តែលើករណីខ្លះ ប្រព័ន្ធគ្រប់គ្រងសីតុណ្ហភាពរបស់រាងកាយគឺធ្វើការច្រើនពេក ហើយសីតុណ្ហភាពក៏អាចនឹងឡើងខ្ពស់លឿនផងដែរ។
សម្រាប់សីតុណ្ហភាពរាងកាយឡើងខ្ពស់ខ្លាំងអាចធ្វើឲ្យខូចខាតដល់ខួរក្បាល និងសរីរាង្គផ្សេងៗទៀតបាន។ អ្នកដែលប្រឈមខ្ពស់នឹងជំងឺទាក់ទងនឹងក្តៅខ្លួនខ្លាំងនោះមានដូចជា ទារកទើបនឹងកើត និងកុមារអាយុចាប់ពី ៤ឆ្នាំចុះ មនុស្សចាស់អាយុចាប់ពី ៦៤ឆ្នាំឡើង អ្នកដែលធាត់ និងអ្នកដែលកំពុងតែប្រើថ្នាំព្យាបាលជំងឺណាមួយ។ (អាន:ថ្នាំងងុយគេង ពេលអ្នកគួរប្រើ)អាការៈព្រមានដែលបញ្ជាក់ថា ក្តៅក្នុងខ្លួនខ្លាំងដោយសារពន្លឺព្រះអាទិត្យមានដូចជា៖
- សីតុណ្ហភាពរាងកាយឡើងខ្ពស់ដល់ ៣៩.៤អង្សារ
- ស្បែកទៅជាក្រហម ក្តៅ និងស្ងួត និងមានបែកញើសតិចតួច ឬអត់សោះ
- ជីពចរលោតញ៉ាប់ និងខ្លាំង
- ឈឺក្បាលខ្ទក់ៗ
- វិលមុខ
- ចង្អោ
- វង្វេងវង្វាន់
- សន្លប់៕