ជីវជាតិ និងសមាសធាតុជីវសកម្មមួយចំនួនក្នុងប្រូខូលី ប្រហែលជាជួយបន្ថយការថយចុះ និងអាចទ្រទ្រង់ដល់សុខភាពខួរក្បាល និងមុខងារជាលិកាសរសៃប្រសាទឲ្យកាន់តែមានសុខភាពល្អដែរ។ តាមការសិក្សាមួយទៅលើមនុស្សចាស់ប្រមាណ ៩៦០នាក់បានរកឃើញថា ការញ៉ាំប្រូខូលីម្តងក្នុងមួយថ្ងៃ ប្រហែលជាជួយជំរុញដល់សុខភាពសតិអារម្មណ៍នៅពេលអាយុកាន់តែច្រើនបាន។ (អាន:ស្បែកកូនរបស់អ្នកនឹងស្អាតហើយមិនរមាស់បើធ្វើតាមវិធីនេះ តើកូនស្រីរបស់អ្នកចេះតែរមាស់ស្បែកមែនទេ?)

ក្រៅពីនេះ ការសិក្សាទៅលើសត្វបានបង្ហាញថា កណ្តុរដែលព្យាបាលជាមួយនឹងសារធាតុ Kaempferol ដែលជាសារធាតុមួយមានក្នុងប្រូខូលី អាចបន្ថយការមានរបួសនៅខួរក្បាល និងការរលាកដល់ជាលិកាសរសៃប្រសាទក្រោយពីកើតជំងឺដាច់សរសៃឈាមខួរក្បាលរួច។ 

សារធាតុ Sulforaphane គឺជាជីវសកម្មដ៏ខ្លាំងក្លាមួយទៀតដែលមានក្នុងប្រូខូលី ជាមយយនឹងឥទ្ធិពលទ្រទ្រង់ដល់មុខងារខួរក្បាលដ៏ខ្លាំងក្លា ក្រោយពីអ្នកជំងឺបានជួបនឹងការថយចុះការផ្គត់ផ្គង់អុកស៊ីសែនទៅខួរក្បាលរួច។ 

ការសិក្សាមួយមួយបានរកឃើញថា កណ្តុរដែលព្យាបាលជាមួយនឹងសារធាតុ Sulforaphane បានបង្ហាញថា ជាលិកាខួរក្បាលមានការជាសះស្បើយយ៉ាងគួរឲ្យកត់សម្គាល់ ហើយក៏បន្ថយការរលាកសរសៃប្រសាទក្រោយពីខួរក្បាលមានរបួស ឬប៉ះពាល់នឹងជាតិពុលរួច។ (អាន:ថ្នាំងងុយគេង ពេលអ្នកគួរប្រើ)

តាមការស្រាវជ្រាវថ្មីៗភាគច្រើនដែលវាយតម្លៃទៅលើឥទ្ធិពលនៃសារធាតុជីវសកម្មក្នុងប្រូខូលីទៅលើសុខភាពខួរក្បាល ត្រូវបានហាមឃាត់ចំពោះការសិក្សាលើសត្វ។ ការស្រាវជ្រាវជាច្រើនទៀតក៏ត្រូវតែធ្វើដើម្បីកំណត់ដឹងថាតើសារធាតុទាំងនេះអាចជួយដល់មុខងារសរសៃប្រសាទខួរក្បាលមនុស្សយើងដូចម្តេច៕