ភាគច្រើនបញ្ហាក្លិនខ្យល់ដង្ហើមមិនល្អ គឺបណ្ដាលមកពីការកើនឡើងនូវបរិមាណបាក់តេរីក្នុងមាត់ ក៏ដូចជាកំទេចកំទីនៃអាហារមានក្លិនខ្លាំងមួយចំនួន។ ហើយការដុសធ្មេញ, ប្រើប្រាស់ទឹកខ្ពុរមាត់ ឬទំពារស្ករកៅស៊ូគ្មានជាតិស្ករក៏មិនអាចទៅរួចគ្រប់ពេលដែរ។ (អាន ៖ ថ្នាំងងុយគេង ពេលអ្នកគួរប្រើ) ហេតុនេះថាតើមានវិធីងាយៗអ្វីជួយបំបាត់ក្លិនមាត់ផ្ដល់នូវខ្យលដង្ហើមស្រស់ថ្លាបានឆាប់រហ័សទេ? កុំបារម្ភ! អ្នកអាចទទួលបានក្លិនខ្យល់ដង្ហើមស្រស់ថ្លាភ្លាមៗដោយគ្រាន់តែប្រើប្រាស់ឳសថរុក្ខជាតិ។ ប៉ុន្តែស្លឹករុក្ខជាតិប្រភេទណាខ្លះទៅទើបមានប្រសិទ្ធិភាពខ្ពស់? ខាងក្រោមវេបសាយសុខភាព Health.com.kh នឹងបង្ហាញឱ្យដឹងពីឳសថរុក្ខជាតិជួយទប់ស្កាត់បញ្ហាក្លិនមាត់ ៖
១. ជីអង្កាម
ធ្លាប់ឆ្ងល់ទេថាតើហេតុអ្វីបានជាថ្នាំដុសធ្មេញភាគច្រើនមានផ្ទុកជាតិជីអង្កាម? នោះក៏ព្រោះតែជីអង្កាមមានប្រសិទ្ធិភាពប្រសើរបំផុតក្នុងការបំបាត់ក្លិនមាត់មិនល្អ ហើយផ្ដល់ភាពស្រស់ថ្លាជំនួសវិញតាមរយៈ
សារធាតុក្លរ៉ូភីលដែលវាមានផ្ទុក។
២. ផ្កាក្លាំងពូ (Cloves)
ការទំពារផ្កាក្លាំងពូមួយចំនួនក្នុងមាត់ជាវិធីដ៏ល្អ និងងាយបំផុតជួយឱ្យក្លិនខ្យល់ដង្ហើមស្រស់ថ្លាឆាប់រហ័ស ប្រសិនបើអ្នកមិនអាចដុសសម្អាតធ្មេញ ឬខ្ពុរមាត់ជាមួយទឹកខ្ពុរមាត់បាន។
៣. ជីវ៉ាន់ស៊ុយ
គ្រាន់តែទទួលទានជីវ៉ានស៊ុយក៏ជួយរក្សាក្លិនខ្យល់ដង្ហើមស្រស់ថ្លារបស់អ្នកបានគួរឱ្យកត់សម្គាល់តាមរយៈសារធាតុក្លរ៉ូភីលដែលវាមានផ្ទុក។
៤. ជី Sage (ជីម្យ៉ាងស្រដៀងជីអង្កាមតែមានទងវែងជាង)
ជី Sage មានផ្ទុកសារធាតុកម្ចាត់ពពួកបាក់តេរីបង្កក្លិនមាត់មិនល្អ។ ដូច្នេះចូរព្យាយាមទំពារស្លឹកជីនេះក្នុងមាត់។
៥. ជីនាងវង
ការទំពារស្លឹកជីនាងវងត្រឹម ២ ស្លឹកក្នុងមាត់ក៏ជួយបំបាត់បញ្ហាក្លិនមាត់ផ្ដល់ខ្យល់ដង្ហើមស្រស់ថ្លា តាម
រយៈលក្ខណៈសម្បត្តិប្រឆាំងបាក់តេរី និងក្លិនមិនល្អ៕