ការគេងគឺជាធាតុដែលមិនអាចខ្វះបានសម្រាប់រាងកាយដែលមានសុខភាពល្អ និងខួរក្បាលឈ្លាសវៃ។ ជំនួសឱ្យការប្រើថ្នាំងងុយគេង ការរីករាយជាមួយតែរុក្ខជាតិអាចនាំឱ្យអ្នកគេងលក់ស្រួល និងធម្មជាតិជាងមុន។
តែជីរអង្កាម
តែ Mint ជួយបន្ធូរសាច់ដុំ និងសម្រួលប្រព័ន្ធរំលាយអាហារ ដោយហេតុនេះជួយឱ្យរាងកាយងាយធ្លាក់ចូលទៅក្នុងស្ថានភាពនៃការសម្រាក និងគេងលក់ស្រួល។
ជីរអង្កាម ក៏មានប្រសិទ្ធិភាពក្នុងការកាត់បន្ថយការឈឺក្បាល និងធ្វើឱ្យរាងកាយត្រជាក់ បង្កើតអារម្មណ៍មានផាសុកភាព។ ការផឹកតែ ជីរអង្កាមមុនពេលចូលគេងជួយកាត់បន្ថយភាពតានតឹង និងបង្កើនគុណភាពនៃការគេង។
ទោះជាយ៉ាងណាក៏ដោយ អ្នកដែលមានប្រវត្តិជំងឺច្រាលក្រពះ ឬមានរោគសញ្ញានៃអាឡែកហ្ស៊ី មិនគួរប្រើតែជីរអង្កាមនោះទេ។
តែបណ្តូលឈូក
តែបណ្តូលឈូក គឺជាតែរុក្ខជាតិមួយប្រភេទដែលឱយគេងលក់ស្រួល។
បណ្តូលឈូក ដែលជាផ្នែកនៅចំកណ្តាលនៃគ្រាប់ឈូក មានសមាសធាតុអាល់កាឡូអ៊ីតជាច្រើន ដែលមានឥទ្ធិពលបន្ថយការឈឺចាប់ និងកាត់បន្ថយភាពតានតឹង។
នៅពេលផឹកតែបណ្តាលឈូក សារធាតុសកម្មទាំងនេះជួយឱ្យរាងកាយសម្រាក កាត់បន្ថយការថប់បារម្ភ និងងាយគេងលក់។ លើសពីនេះ វាក៏ជួយគ្រប់គ្រងចង្វាក់បេះដូង និងកែលម្អគុណភាពនៃការគេងឱ្យកាន់តែស្កប់ស្កល់ផងដែរ។
តែផ្កាម្លិះ
តែផ្កាម្លិះគឺជាជម្រើសដ៏ល្អសម្រាប់អ្នកដែលកំពុងស្វែងរកដំណេកបែបធម្មជាតិ និងសម្រាកកាយបន្ទាប់ពីពេលថ្ងៃដ៏យូរ។
តែផ្កាម្លិះ មានក្លិនក្រអូបឈ្ងុយឆ្ងាញ់ និងឥទ្ធិពលបន្ធូរអារម្មណ៍។
ផ្កាម្លិះមានផ្ទុកសមាសធាតុដូចជា linalool និង benzyl acetate ដែលមានសមត្ថភាពធ្វើឱ្យប្រព័ន្ធសរសៃប្រសាទស្ងប់ស្ងាត់ កាត់បន្ថយភាពតានតឹង និងធ្វើអោយអារម្មណ៍ប្រសើរឡើង។
ផឹកតែផ្កាម្លិះមុនពេលចូលគេង ជួយឱ្យរាងកាយសម្រាក កាត់បន្ថយការថប់បារម្ភ និងគេងលក់ស្រួល។
លើសពីនេះ តែផ្កាម្លិះក៏មានប្រសិទ្ធភាពប្រឆាំងនឹងការរលាក បំបាត់ការឈឺចាប់ និងសម្រួលការរំលាយអាហារ ជួយឱ្យអ្នកគេងលក់ស្រួល និងស្ងប់ស្ងាត់ជាងមុន។
ដើម្បីធ្វើតែផ្កាម្លិះ អ្នកគ្រាន់តែត្រាំផ្កាម្លិះស្ងួតក្នុងទឹកដាំពុះប្រហែល ៥-១០ នាទី រួចផឹក៕