ត្រយ៉ូងចេកមិនត្រឹមតែត្រូវបានគេប្រើជាអាហារប៉ុណ្ណោះទេ ប៉ុន្តែក៏ត្រូវបានគេចាត់ទុកជាឱសថផងដែរ ដែលជួយសម្រួលដល់សុខភាព។
អត្ថប្រយោជន៍នៃត្រយ៉ូងចេកចំពោះសុខភាព
ត្រយ៉ូងចេកមានសារធាតុប្រឆាំងអុកស៊ីតកម្មជាច្រើន (ដូចជា quercein, catechins, saponins, tannins, phenols) សារធាតុរ៉ែ (ដូចជាកាល់ស្យូម ប៉ូតាស្យូម ម៉ាញេស្យូម ស័ង្កសី ទង់ដែង ជាតិដែក) និងប្រូតេអ៊ីនមួយចំនួនដែលល្អសម្រាប់រាងកាយ។ វាក៏មានជាតិខ្លាញ់ខ្ពស់ កាឡូរីទាប និងមានជាតិសរសៃខ្ពស់មិនរលាយ និងរលាយ។ ជាពិសេស ជាតិសរសៃរលាយនៅពេលចូលទៅក្នុងពោះវៀននឹងបង្កើតជាជែលដែលជួយកាត់បន្ថយជាតិស្ករក្នុងឈាម និងកូលេស្តេរ៉ុល។ ជាតិសរសៃមិនរលាយជួយឱ្យប្រព័ន្ធរំលាយអាហារដំណើរការរលូន និងផ្តល់នូវអារម្មណ៍ឆ្អែតបានយូរ។
សារធាតុប្រឆាំងអុកស៊ីតកម្មជួយការពាររាងកាយពីការវាយប្រហារដោយរ៉ាឌីកាល់សេរី ជួយការពារការវិវត្តនៃជំងឺ។
-ល្អសម្រាប់ការរំលាយអាហារ
ត្រយ៉ូងចេកមានជាតិសរសៃខ្ពស់ រួមទាំងជាតិសរសៃរលាយ និងរលាយ។ វាមានប្រយោជន៍សម្រាប់ប្រព័ន្ធរំលាយអាហារ។ ជាតិសរសៃជួយកែលម្អ microflora ពោះវៀន ជួយរំលាយអាហារបានរលូន និងការពារជំងឺជាច្រើនដែលទាក់ទងនឹងបំពង់រំលាយអាហារ។ការទទួលទានត្រយ៉ូងចេកជាវិធីមួយជួយកាត់បន្ថយការទល់លាមក។
-កាត់បន្ថយកូលេស្តេរ៉ុល និងជាតិស្ករក្នុងឈាម
សាកលវិទ្យាល័យ Delhi (ប្រទេសឥណ្ឌា) បានធ្វើការសិក្សាលើសត្វដើម្បីសាកល្បងឥទ្ធិពលនៃផ្កាចេកចំពោះសុខភាពរបស់ពួកគេ អ្នកស្រាវជ្រាវបានប្រើផលិតផងចំរាញ់ពីត្រយ៉ូងចេក ហើយបានរកឃើញថាវាមានប្រសិទ្ធភាពកាត់បន្ថយកូឡេស្តេរ៉ុលក្នុងរាងកាយរបស់សត្វកណ្តុរ ដោយការពារការស្រូបយកកូឡេស្តេរ៉ុលក្នុងពោះវៀន។ . បរិមាណដ៏ច្រើននៃជាតិសរសៃនៅក្នុងត្រយ៉ូងចេកក៏ជួយកម្រិតការស្រូបយកកូលេស្តេរ៉ុលផងដែរ។
លើសពីនេះទៀត ការស្រាវជ្រាវក៏បង្ហាញផងដែរថា សារធាតុប្រឆាំងអុកស៊ីតកម្ម quercetin និង catechins ដែលមាននៅក្នុងត្រយ៉ូងចេក រួមចំណែកក្នុងការកាត់បន្ថយកម្រិតជាតិស្ករក្នុងឈាមបន្ទាប់ពីអាហាររួច។ មូលហេតុគឺដោយសារតែសារធាតុទាំងនេះរារាំងអង់ស៊ីមដែលស្រូបយកកាបូអ៊ីដ្រាត។
-ការពារបេះដូង
របបអាហារដែលមានជាតិប៉ូតាស្យូមច្រើននឹងរួមចំណែកដល់ការការពារសុខភាពបេះដូង។ ដូច្នោះហើយ ត្រយ៉ូងចេក គឺជាអាហារមួយក្នុងចំណោមអាហារសម្បូរប៉ូតាស្យូម។
ប៉ូតាស្យូមមានប្រសិទ្ធភាពកាត់បន្ថយបរិមាណអំបិលដែលប្រមូលផ្តុំក្នុងរាងកាយដោយហេតុនេះមានប្រសិទ្ធភាពក្នុងការរក្សាតុល្យភាពសម្ពាធឈាម។
-ល្អសម្រាប់សុខភាពស្ត្រី
ត្រយ៉ូងចេកនាំមកនូវអត្ថប្រយោជន៍ជាច្រើនដល់សុខភាពស្ត្រី។ វាអាចជួយគ្រប់គ្រងអរម៉ូនក្នុងរាងកាយ ដោយហេតុនេះមានប្រសិទ្ធភាពក្នុងការកាត់បន្ថយរោគសញ្ញានៃការមករដូវ មករដូវមិនទៀងទាត់…
សម្រាប់ស្ត្រីក្រោយសម្រាល ត្រយ៉ូងចេកជាអាហារដែលជួយបង្កើនការផលិតទឹកដោះ។ សារធាតុចិញ្ចឹមមួយចំនួននៅក្នុងត្រយ៉ូងចេកជួយជំរុញដល់បំពង់ទឹកដោះក្នុងក្រពេញទឹកដោះរបស់ស្ត្រី ជំរុញការបញ្ចេញទឹកដោះ។
ត្រយ៉ូងចេកផ្តល់ជាតិដែក កាល់ស្យូម ទង់ដែង និងសារធាតុចិញ្ចឹមជាច្រើនទៀតដែលមានប្រសិទ្ធភាពក្នុងការការពារសុខភាពស្បូន និងការពារការឆ្លងមេរោគ។
-ប្រឆាំងភាពចាស់
ត្រយ៉ូងចេកជាអាហារសម្បូរវីតាមីន C និងសារធាតុប្រឆាំងអុកស៊ីតកម្មដូចជា tannins និង flavonoids ។ សារធាតុទាំងនេះមានឥទ្ធិពលប្រឆាំងអុកស៊ីតកម្ម ជួយកាត់បន្ថយភាពតានតឹងលើកោសិកាក្នុងរាងកាយ និងបន្ថយដំណើរការនៃភាពចាស់៕
