បើសិនជាអ្នកមានបញ្ហាឈឺ ឬរមាស់ក្នុងបំពង់ករយូរជាងពីរថ្ងៃ នោះវាអាចជាការបង្ករោគដោយបាក់តេរីក្នុងបំពង់ករហើយ ឬហៅថា Strep Throat។ ខណៈពេលដែលវីរុស គឺជាមូលហេតុញឹកញាប់បំផុតនៃការឈឺបំពង់ករ តែបាក់តេរីក៏មានដែរ។(អាន៖ ស្បែកកូនរបស់អ្នកនឹងស្អាតហើយមិនរមាស់បើធ្វើតាមវិធីនេះ តើកូនស្រីរបស់អ្នកចេះតែរមាស់ស្បែកមែនទេ?) បាក់តេរីនោះឈ្មោះថា Streptococcus Pyogenes (Group A Streptococcus) ហើយក៏មានអត្រានៃការឆ្លងខ្ពស់ផងដែរ។
តើអ្នកអាចមានការឈឺបំពង់ករ Strep Throat ដោយមិនក្តៅខ្លួនដែរទេ?
ចម្លើយគឺថា អាចដែរ។ ស្ថិតត្រង់ចំណុចនេះ គ្រូពេទ្យនឹងពិនិត្យទៅលើអាការៈ ៥ចំណុចសម្រាប់ដំណាក់កាលដំបូងនៃការកំណត់រោគវិនិច្ឆ័យ Strep Throat ដូចជា៖
- អត់ក្អក៖ បើសិនជាអ្នកមាន Strep Throat តែអត់ក្អក វាអាចជាសញ្ញាមួយ
- ហើមកូនកណ្តុរ៖ បើសិនជាកូនកណ្តុរនៅកញ្ចឹកកខាងមុខហើម វាអាចជាសញ្ញាមួយ
- ក្រពេញអាមីដាសមានស្នាមសៗ៖ បើសិនក្នុងមាត់ឃើញមានស្នាមសៗនៅលើក្រពេញអាមីដាស វាអាចជាសញ្ញាមួយ
- កន្ទួលរមាស់៖ បើសិនជាកន្ទួលរមាស់ (តូចៗ ក្រហមៗ) កើតមាននៅក្រអូមមាត់ខាងលើ វាក៏អាចជាសញ្ញាមួយដែរ
- ក្តៅខ្លួន៖ បើសិនជាអ្នកកំពុងតែក្តៅខ្លួន វាអាចជាសញ្ញាមួយទៀត។
កាលណាអ្នកមានអាការៈខាងលើនេះកាន់តែច្រើន ឱកាសមាន Strep Throat កាន់តែខ្ពស់។ ប៉ុន្តែអ្នកក៏អាចមានអាការៈទាំងអស់ខាងលើ ហើយក៏ប្រាកដថាមាន Strep Throat ដែរ។ មធ្យោបាយដ៏ល្អបំផុតដើម្បីច្បាស់គឺតាមរយៈការធ្វើតេស្ត ដោយការជូតយកសំណាកក្នុងបំពង់កដើម្បីពិនិត្យនៅមន្ទីរពិសោធន៍។ (អាន៖ ថ្នាំងងុយគេងពេលអ្នកគួរប្រើ)
តើវាអាចមានអត្រាឆ្លងខ្ពស់ទេបើសិនជាមាន Strep Throat ដោយមិនក្តៅខ្លួនអ៊ីចឹង?
បើសិនជាអ្នកមាន Strep Throat អ្នកកំពុងតែជាមេចម្លងដល់អ្នកដទៃខ្ពស់ហើយ ដោយមិនខ្វល់ថា អ្នកមានអាការៈក្តៅខ្លួនឬអត់ឡើយ។ បើសិនជាគ្រូពេទ្យចេញជាថ្នាំផ្សះឲ្យអ្នកប្រើ អ្នកក៏គួរតែចាប់ផ្តើមមានអារម្មណ៍ល្អវិញក្នុងរយៈពេលប្រើប្រាស់បានមួយថ្ងៃពីរក្រោយដែរ។ អ្នកនឹងមិនអាចចម្លងទៅអ្នកដទៃទេ ក្រោយពីចាប់ផ្តើមព្យាបាលជំងឺនេះនៅរយៈពេល ២៤ម៉ោងក្រោយ។ ទោះបីជាយ៉ាងណាក៏ដោយ ការដែលឈប់ប្រើថ្នាំផ្សះលឿនពេក អាចធ្វើឲ្យមិនអាចសម្លាប់បាក់តេរីបានអស់ ហើយក៏ជាអ្វីដែលធ្វើឲ្យអ្នកស៊ាំនឹងថ្នាំផ្សះផងដែរ៕