ចរន្តឈាមរត់មិនបានល្អគឺជាបញ្ហាញឹកញ៉ាប់មួយដែលបង្កឡើងដោយជំងឺមួយចំនួន។ ជំងឺសរសៃឈាមចុងដៃចុងជើង ជំងឺទឹកនោមផ្អែម ធាត់ជ្រុល ជក់បារី និងជំងឺ Raynaud’s ច្រើនតែជាមូលហេតុនៃចរន្តឈាមរត់មិនបានល្អ។ ការថយចុះលំហូរឈាម អាចធ្វើឲ្យមានអាការៈជាច្រើនដូចជា ឈឺចាប់ សាច់ដុំរមួល ស្ពឹក បញ្ហារំលាយអាហារ និងត្រជាក់ប្រអប់ដៃ ឬជើង។(អាន៖ ស្បែកកូនរបស់អ្នកនឹងស្អាតហើយមិនរមាស់បើធ្វើតាមវិធីនេះ តើកូនស្រីរបស់អ្នកចេះតែរមាស់ស្បែកមែនទេ?) ថ្វីបើបញ្ហារបត់ឈាមច្រើនតែអាចព្យាបាលដោយការប្រើថ្នាំក៏ដោយ តែការញ៉ាំអាហារបានត្រឹមត្រូវក៏ជួយពង្រឹងដល់របត់ឈាមបានល្អដែរ។ 

ម្ទេស

ម្ទេសគឺជាគ្រឿងផ្សំធ្វើម្ហូបដែលផ្តល់រសជាតិហិរបានដោយសារតែសារធាតុ Phytochemical ឈ្មោះថា Capsaicin។ សារធាតុមួយនេះនឹងជំរុញលំហូរឈាមទៅជាលិការតាមរយៈការបញ្ចុះសម្ពាធឈាម និងភ្ញោចដល់ការបញ្ចេញសារធាតុ Nitric Oxide និងសារធាតុពង្រីកសរសៃឈាមផ្សេងៗទៀត។ 

ផ្លែទទឹម

ផ្លែទទឹមគឺជាផ្លែឈើមានរសជាតិផ្អែម ហើយមានសារធាតុ Phylophenols Antioxidant និង Nitrate ខ្ពស់ ដែលអាចជួយឲ្យសរសៃឈាមរីកធំបាន។ ការញ៉ាំទឹក និងសាច់របស់ផ្លែទទឹម ប្រហែលជាពង្រឹងដល់លំហូរឈាម និងការផ្គត់ផ្គង់អុកស៊ីសែនទៅដល់សាច់ដុំ សម្រាប់ជួយឲ្យសាច់ដុំមានភាពសកម្មបាន។ 

ខ្ទឹមបារាំង

ខ្ទឹមបារាំងគឺជាប្រភពដ៏ឆ្លាតវ៉ៃមួយនៃសារធាតុ Flavonoid និងមានប្រយោជន៍ចំពោះសុខភាពបេះដូង។ បន្លែមួយនេះជួយពង្រឹងដល់របត់ឈាមរត់តាមរយៈការជួយឲ្យសរសៃឈាមវ៉ែន និងអាក់ទែរីកធំនៅពេលមានលំហូរឈាមកាន់តែខ្លាំង។ (អាន៖ ថ្នាំងងុយគេងពេលអ្នកគួរប្រើ)

ខ្ទឹមស

ខ្ទឹមស ត្រូវបានគេស្គាល់ថាមានឥទ្ធិពលច្រើនទៅលើរបត់ឈាមរត់ និងសុខភាពបេះដូង។ ការសិក្សាបានឲ្យដឹងថា សារធាតុ ស្ពាន់ធ័ររបស់ខ្ទឹមស ដែលមានទាំង Allicin ទៀតនោះ អាចពង្រឹងដល់លំហូរឈាម និងបញ្ចុះសម្ពាធឈាមបាន តាមរយៈការបន្ធូរសរសៃឈាម។ 

ត្រីសម្បូរខ្លាញ់

ត្រីសម្បូរខ្លាញ់ដូចជាត្រីសាលម៉ុង គឺជាប្រភពដ៏ឆ្លាតវៃមួយនៃអាស៊ីតខ្លាញ់អូមេហ្គាបី ដែឡវាមានប្រយោជន៍ជាពីសេសសម្រាប់របត់ឈាម ដោយសារវាអាចជំរុញដល់ការបញ្ចេញរបស់សារធាតុ Nitric Oxide សម្រាប់ជួយឲ្យសរសៃឈាមរីកធំនិងបង្កើនលំហូរឈាមបាន។ 

ផ្លែឈើជូរៗ

ផ្លែឈើជូរៗដូចជា ផ្លែក្រូច ឬក្រូចឆ្មា ផ្ទុកទៅដោយអង់ទីអុកស៊ីដង់ជាច្រើនរួមទាំង Flavonoids ផងដែរ។ ការញ៉ាំផ្លែឈើសម្បូរសារធាតុ Flavonoids ប្រហែលជាជួយបន្ថយការរលាកក្នុងរាងកាយ ដែលអាចបន្ថយសម្ពាធ និងភាពតឹងក្នុងសរសៃឈាមអាក់ទែ ខណៈពេលពង្រឹងដល់របត់ឈាមរត់ និងការផលិតរបស់សារធាតុ Nitric Oxideផង។ 

ផ្លែប៉េងប៉ោះ

ប៉េងប៉ោះប្រហែលជួយបន្ថយសកម្មភាពរបស់ Angiotensin-converting Enzyme (ACE) ដែលធ្វើឲ្យសរសៃឈាមរួមតូច ជាពិសេសក្នុងការគ្រប់គ្រងសម្ពាធឈាមតែម្តង។ តាមការស្រាវជ្រាវបានរកឃើញថា ផ្លែប៉េងប៉ោះនឹងជួយធ្វើឲ្យសរសៃឈាមហូរបានល្អ និងពង្រឹងដល់របត់ឈាមរត់ទៀត៕