ខាងក្រោមនេះ យើងខ្ញុំនឹងបង្ហាញអ្នកពីសញ្ញាទាំង៥ដែលប្រាប់ថាម៉ាក់ៗមានកូនហើយ។ តើមានអ្វីខ្លះទៅ?
- ប្រសិនជាអ្នកមករដូវទៀងជារៀងរាល់ខែ ហើយអ្នកមានការរួមភេទ គួរតែប្រយ័ត្នបើរដូវអ្នកមិនមកចំថ្ងៃហើយ១អាទិត្យក្រោយនៅតែមិនមកទៀត។ អាការៈនេះអាចជាសញ្ញាប្រាប់ថាអ្នកកំពុងតែពោះធំហើយ។
- ជាធម្មតាក្រោយអ្នកពរពោះបាន៤អាទិត្យ នឹងចាប់ផ្តើមកើតមានអាការៈចាញ់កូនដោយតែងតែចង់ក្អួត ហើយអាការៈនេះនឹងបាត់ទៅវិញក្រោយអាទិត្យទី៨។ ដូចនេះ បើអ្នកតែងតែចង់ក្អួត គួរតែពិចារណាថាអ្នកកំពុងតែមានផ្ទៃពោះហើយ។
- ក្នុងពេលដែលអ្នកមានផ្ទៃពោះ សុដន់អ្នកអាចប្រែជាតឹងណែននិងឈឺ ហើយពណ៌នៃក្បាលដោះក៏ប្រែជាស្រអាប់ដែរ។
- ប្រសិនជាអ្នកមានផ្ទៃពោះ អ្នកអាចនឹងពិបាកគេងលក់ណាស់ ដោយតែងតែគេងមិនលក់ក្នុងពេលយប់។ ដូចនេះ បើអ្នកកើតអាការៈនេះរួមទាំងអាការៈខាងលើ អ្នកប្រហែលជាមានកូនហើយ។
- ក្នុងដំណាក់កាលមានផ្ទៃពោះដំបូង អ្នកអាចនឹងនោមញឹក ឬពិបាកបត់ជើងតូច ដោយសារតែស្បូនរីកធំសង្កត់លើ។ ជាធម្មតាអាការៈនេះនឹងបាត់ទៅក្រោយពរពោះបាន៣ខែ៕