ភាគច្រើននៃពួកយើងសុទ្ធតែបានដឹងហើយថា ផ្លែប៉ោម អាចផ្ដល់អត្ថប្រយោជន៍យ៉ាងប្រសើរចំពោះសុខភាព។ ប៉ុន្តែតើអ្នកធ្លាប់បានដឹងទេថាសំបកផ្លែប៉ោមក៏មានផ្ទុកសារធាតុចិញ្ចឹមល្អមិនចាញ់គ្នាដែរ? (អាន ៖ ស្បែកកូនរបស់អ្នកនឹងស្អាតហើយមិនរមាស់បើធ្វើតាមវិធីនេះ តើកូនស្រីរបស់អ្នកចេះតែរមាស់ស្បែកមែនទេ?) ប្រសិនបើអ្នកកំពុងជួបប្រទះបញ្ហាស្បែកស្រអាប់មិនស្រស់ស្អាត និងមានសភាពហត់នឿយ អ្នកអាចប្រើប្រាស់ម៉ាសផ្សំឡើងពីសំបកផ្លែប៉ោមដើម្បីដោះស្រាយបញ្ហាបានយ៉ាងឆាប់រហ័ស។ ផ្លែប៉ោម ក៏ដូចជាសំបករបស់វា គឺមានផ្ទុកសារធាតុប្រឆាំងអុកស៊ីតកម្ម រួមទាំងវីតាមីន A, B, C ដែលជួយកាត់បន្ថយបំបាត់ការខូចខាតបណ្ដាលមកពីការប៉ះពាល់នឹងភាពកខ្វក់ ឬធូលីដី ក៏ដូចជាពន្លឺព្រះអាទិត្យ។ ខាងក្រោមវេបសាយសុខភាព Health.com.kh នឹងបង្ហាញឱ្យដឹងពីរបៀបប្រើប្រាស់សំបកផ្លែប៉ោមធ្វើជាម៉ាសបិតមុខបែបធម្មជាតិ ៖

១. ម៉ាសផ្សំឡើងពីសំបកផ្លែប៉ោម និងប៉េងប៉ោះ

ល្បាយនេះនឹងផ្ដល់ឱ្យអ្នកនូវស្បែកមុខទន់រលោងស្រស់ស្អាត និងមានពន្លឺ។ វាក៏ជួយសម្អាតស្បែកមុខ, ផ្ដល់សំណើម និងបង្រួមរន្ធញើសផងដែរ។ អ្វីដែលអ្នកត្រូវការ គឺផ្លែប៉ោមក្រហម ១ ផ្លែ, ប៉េងប៉ោះទំហំតូចល្មម ១ ផ្លែ និងទឹកដោះគោស្រស់ ឬឆៅ។ អ្វីដែលអ្នកត្រូវធ្វើ គឺចិតយកសំបកផ្លែប៉ោម។បន្ទាប់មកយកសំបកប៉ោម និងប៉េងប៉ោះទៅកិនក្នុងម៉ាស៊ីនក្រឡុកឱ្យម៉ដ្ឋ រួចបន្ថែមទឹកដោះគោ ១ ស្លាបព្រាបាយចូល។ កូរឱ្យសព្វ  សឹមលាបល្បាយនេះលើផ្ទៃមុខ និងក។ ទុកចោលសម្រាប់រយៈពេល ២០ នាទី សឹមលាងសម្អាតចេញដោយប្រើសាប៊ូលាងមុខ និងទឹកធម្មតាជាការស្រេច។ អនុវត្ត ២ ដងក្នុងមួយសប្តាហ៍រហូតទទួលបានលទ្ធផលជាទីគាប់ចិត្ត។

២. ម៉ាសផ្សំឡើងពីម្ស៉ៅសំបកផ្លែប៉ោម និងទឹកដោះគោជូរ

សំបកផ្លែប៉ោមមានផ្ទុកសម្បូរទៅដោយវីតាមីន, ជាតិរ៉ែចាំបាច់ និងសារធាតុប្រឆាំងអុកស៊ីតកម្មដែលស្បែកត្រូវការដើម្បីរក្សាបាននូវសុខភាពល្អ។ ការប្រើប្រាស់សំបកផ្លែប៉ោមនឹងជួយការពារស្បែកពីកាំរស្មីយូវី។ នោះក៏ព្រោះតែសំបកផ្លែប៉ោមមានផ្ទុកសារធាតុ polyphenols សារធាតុប្រឆាំងអុកស៊ីតកម្មមួយកម្ចាត់រ៉ាឌីកាល់សេរី និងការពារប្រឆាំងកាំរស្មីយូវីទប់ស្កាត់បញ្ហាស្បែកចាស់ជាងវ័យ។ សំបកផ្លែប៉ោមក៏ជាប្រភពដ៏ប្រសើរនៃវីតាមីន C ដែលជួយទប់ស្កាត់ភាពចាស់មុនអាយុនៃស្បែកដោយបង្កើនភាពទន់រលោងតឹងណែនមានពន្លឺនៃស្បែក។ អ្វីដែលអ្នកត្រូវការ គឺទឹកដោះគោជូរ ៣ ស្លាបព្រាបាយ និងម្ស៉ៅសំបកផ្លែប៉ោម ២ ស្លាបព្រាបាយ។ អ្វីដែលអ្នកត្រូវធ្វើ គឺលាយគ្រឿងផ្សំទាំង ២ ចូលគ្នាឱ្យសព្វ រួចលាបលើផ្ទៃមុខរបស់អ្នក។ ទុកចោលសម្រាប់រយៈពេលពី ១៥ ទៅ ២០ នាទីសឹមលាងចេញជាមួយទឹកត្រជាក់៕