ខាងក្រោមនេះ យើងខ្ញុំនឹងបង្ហាញអ្នកពីក្រុមមនុស្សដែលគួរតែកាត់បន្ថយការញ៉ាំអាហារដែលប្រៃខ្លាំង។ តើមាននរណាខ្លះទៅ?
- បុគ្គលដែលតែងតែកើតអាការៈឈឺក្បាលគួរតែកាត់បន្ថយការញ៉ាំអំបិល ព្រោះបើអ្នកកាន់តែពិសារប្រៃ នោះក្បាលអ្នកនឹងកាន់តែឈឺ មិនងាយជាសះស្បើយនោះឡើយ។
- មនុស្សដែលងាយកើតអាការៈហើម ក៏គួរតែកាត់បន្ថយការស្រូបយកសារធាតុដែលប្រៃដែរ ព្រោះបើអ្នកកាន់តែញ៉ាំ នោះអ្នកនឹងកាន់តែកើតអាការៈហើមមិនងាយស្រកវិញឡើយ។
- បុគ្គលដែលក្រពះពោះវៀនតែងតែមិនស្រួល ក៏គួរតែបន្ថយការប្រើអំបិលក្នុងម្ហូបអាហារដែរ ព្រោះបើអ្នកពិសារប្រៃពេក ក្រពះ និងពោះវៀនរបស់អ្នកនឹងអាចវិវត្តន៍ទៅជាមហារីកបាន។
- មនុស្សដែលមានស្បែកមិនល្អ ញ៉ាំកាន់តែប្រៃ សារធាតុទឹកដែលមានក្នុងខ្លួនកាន់តែបាត់បង់ ដោយធ្វើឲ្យស្បែកអ្នកកាន់តែស្ងួត មិនមានសំណើមនោះឡើយ។ ដូចនេះ ប្រសិនជាចង់ឲ្យស្បែកស្អាត គួរតែកាត់បន្ថយបរិមាណនៃអំបិលក្នុងម្ហូបអាហារ។
- បុគ្គលដែលកើតជំងឺក្រលៀន និងជំងឺលើសសម្ពាធឈាម គួរតែកុំប្រើអំបិលច្រើនឲ្យសោះ ព្រោះអាចធ្វើឲ្យជំងឺរបស់អ្នកកាន់តែធ្ងន់ធ្ងរមួយកម្រិតទៀត មិនងាយព្យាបាលបានឡើយ។
- ក្រុមមនុស្សដែលមានអាការៈពុកឆ្អឹង គួរតែកុំញ៉ាំប្រៃពេក ព្រោះវាអាចធ្វើឲ្យកាល់ស្យូមក្នុងរាងកាយអ្នកហូរចេញមកក្រៅអស់ ដោយធ្វើឲ្យឆ្អឹងអ្នកកាន់តែពុកខ្លាំងទៀត។ ដូចនេះ អ្នកដែលស្ថិតក្នុងក្រុមមនុស្សទាំងនេះ គួរតែប្រយ័ត្នក្នុងការញ៉ាំប្រៃខ្លាំង៕