ខាងក្រោមនេះ យើងខ្ញុំនឹងបង្ហាញអ្នកពីផ្លែឈើដែលអាចជួយទាំងសុខភាពអ្នកម្តាយ និងកូនក្នុងផ្ទៃ។ តើមានអ្វីខ្លះទៅ?
- ក្រូចឃ្វិច ជាផ្លែឈើដែលមានផ្ទុកវីតាមីនសេខ្ពស់ ដោយជួយធ្វើឲ្យប្រព័ន្ធការពាររាងកាយអ្នកម្តាយរឹងមាំណាស់ ថែមទាំងជួយកូនក្នុងផ្ទៃឲ្យលូតលាស់បានល្អទៀតផង។
- ទំពាំងបាយជូរ មានផ្ទុកសារធាតុចិញ្ចឹមខ្ពស់ណាស់ ថែមទាំងអាចជួយព្យាបាលជំងឺក្អកផងដែរ។ ប៉ុន្តែអ្នកម្តាយមិនគួរពិសារលើសកំណត់ឡើយ ព្រោះក្នុងនោះមានផ្ទុជាតិស្ករខ្ពស់ ដោយអាចធ្វើឲ្យរាងកាយអ្នកកើនជាតិស្ករបាន។
- អំពៅ មានផ្ទុកទឹកខ្ពស់ និងសារធាតុចិញ្ចឹមខ្ពស់ដែរ ដោយអាចជួយធ្វើឲ្យម៉ាក់ៗងាយស្រួលបត់ជើងធំ ថែមទាំងអាចជួយបំបាត់ស្លេស្ម និងក្អកបានទៀតផង។
- ផ្លែសាលី អាចជួយបំបាត់អាការៈក្តៅក្នុង បំបាត់ក្អកនិងស្លេស្ម ថែមទាំងអាចជួយការពារសួតបានផងដែរ។ ជាពិសេស ក៏អាចធ្វើឲ្យស្បែកអ្នកម្តាយប្រែជាល្អ និងកូនក្នុងផ្ទៃក៏មានសុខភាពល្អផងដែរ។ ថ្វីត្បិតតែផ្លែឈើ៤នេះល្អចំពោះសុខភាពម្តាយ និងកូន ប៉ុន្តែអ្នកក៏ត្រូវមានកម្រិតក្នុងការបរិភោគដែរ មិនគួរញ៉ាំលើសកំណត់ ធ្វើឲ្យប៉ះពាល់ដល់សុខភាពវិញនោះទេ៕