ខាងក្រោមនេះ យើងខ្ញុំនឹងបង្ហាញអ្នកពីអាការៈដែលប្រាប់អ្នកថាប្រព័ន្ធការពាររាងកាយកំពុងតែធ្លាក់ចុះ។ តើមានអ្វីខ្លះទៅ?
- នៅពេលដែលអ្នកមានអារម្មណ៍ថាហត់ខ្លាំងក្រោយពេលដែលប្រើកម្លាំងតិចតួច ឬប្រើខួរក្បាលតិច ដោយត្រូវការអង្គុយចុះមកសម្រាក ទើបបាត់ហត់ នោះមានន័យថាប្រព័ន្ធការពាររាងកាយរបស់អ្នកកំពុងតែធ្លាក់ចុះហើយ។
- ការតែងតែផ្តាសាយ ដោយផ្តាសាយម្តងត្រូវការពេលយូរទើបជាសះស្បើយ ក៏ជាសញ្ញាកំពុងតែប្រាប់អ្នកថា ប្រព័ន្ធការពាររាងកាយអ្នកកំពុងតែច្របូកច្របល់ខ្លាំងហើយ។
- នៅពេលដែលពោះវៀនរបស់អ្នកប្រែជាខ្សោយ ដោយញ៉ាំអាហារមិនមានអនាម័យបន្តិចបន្តួច ធ្វើឲ្យអ្នករាក ឬសុខៗប្រែជាហើមពោះ ទល់លាមក អ្នកក៏គួរតែប្រយ័ត្នផងដែរ ព្រោះប្រព័ន្ធការពាររាងកាយកំពុងតែមិនរឹងមាំហើយ។
- ការដែលតែងតែប្រតិកម្ម ដោយប៉ះអ្វីប្រតិកម្មនឹងរបស់នោះ ក៏ជាមុខសញ្ញាមួយប្រាប់អ្នកថាគួរតែពង្រឹងប្រព័ន្ធការពាររាងកាយផងដែរ ព្រោះកំពុងតែចុះខ្សោយខ្លាំងណាស់៕