ខាងក្រោមនេះ យើងខ្ញុំនឹងបង្ហាញអ្នកពីផលប៉ះពាល់ក្នុងការបរិភោគឆ្អែតពេកក្នុងរយៈពេលយូរ។ តើមានអ្វីខ្លះទៅ?
- នៅពេលដែលអ្នកតែងតែពិសារឆ្អែតលើសកំណត់ នឹងធ្វើឲ្យក្នុងរាងកាយអ្នកសម្បូរទៅដោយជាតិខ្លាញ់ ដោយធ្វើឲ្យអ្នកងាយធាត់ខ្លាំងណាស់។ ចំពោះអ្នកដែលមានជំងឺលើសសម្ពាធឈាម បើញ៉ាំឆ្អែតពេក នឹងធ្វើឲ្យសម្ពាធឈាមអ្នកងាយឡើងខ្ពស់ខ្លាំងណាស់។ ចំណែកអ្នកដែលមានជំងឺទឹកនោមផ្អែមវិញ នឹងធ្វើឲ្យជាតិស្ករងាយឡើងដូចគ្នា។
- ប្រសិនជាអ្នកតែងតែពិសារឆ្អែតជ្រុលគ្រប់ពេល នឹងធ្វើឲ្យប្រព័ន្ធរំលាយអាហាររបស់អ្នករងសម្ពាធខ្លាំង ធ្វើឲ្យប្រើរយៈពេលយូរដើម្បីរំលាយអាហារទាំងនោះ។ ដូចនេះ យូរទៅ នឹងធ្វើឲ្យក្រពះ និងប្រព័ន្ធរំលាយអាហាររបស់អ្នកងាយប្រឈមនឹងគ្រោះថ្នាក់ខ្លាំងណាស់។
- នៅពេលដែលមនុស្សយើងតែងតែញ៉ាំឆ្អែតលើសកំណត់ នឹងធ្វើឲ្យឈាមពិបាកនឹងដើរដល់ខួរក្បាលខ្លាំងណាស់ ដោយធ្វើឲ្យខួរក្បាលមិនសូវរសរវើកឡើយ អាចប្រតិកម្មយឺត។
- បើអ្នកតែងតែបរិភោគអាហារឆ្អែតជ្រុល នឹងធ្វើឲ្យអ្នកងាយប្រឈមនឹងជំងឺលើសខ្លាញ់ លើសសម្ពាធឈាម លើសជាតិស្ករ និងជំងឺបេះដូងផងដែរ។ ដូចនេះ ក្នុងអាហារគ្រប់ពេល អ្នកគួរតែញ៉ាំឆ្អែត៧ភាគបានហើយ ទើបមិនធ្វើឲ្យសុខភាពអ្នកប្រឈមនឹងគ្រោះថ្នាក់៕
