ខាងក្រោមនេះ យើងខ្ញុំនឹងបង្ហាញអ្នកពីអត្ថប្រយោជន៍នៃការបៀមខ្ញីក្នុងពេលព្រឹក។ តើមានអ្វីខ្លះទៅ?
- ក្នុងពេលអាកាសធាតុក្តៅ នឹងធ្វើឲ្យមនុស្សយើងនៅមិនសុខក្នុងខ្លួនឡើយ ហើយមិនសូវចង់ញ៉ាំអ្វីនោះទេ។ ប៉ុន្តែបើអ្នកបៀមខ្ញីមួយបន្ទះក្នុងពេលព្រឹក នឹងអាចជួយកាត់បន្ថយអារម្មណ៍មិនស្រួល និងនឿយហត់របស់អ្នក។ ជាពិសេស ចំពោះអ្នកដែលតែងតែវិលមុខ ថប់ៗទ្រូង និងចង់ក្អួត ក៏អាចទទួលបានលទ្ធផលមិនគួរឲ្យជឿផងដែរ។
- ក្នុងពេលធម្មតា អ្នកអាចបៀមខ្ញីក្នុងពេលព្រឹកបាន វានឹងជួយការពារស្បែកអ្នកមិនងាយឲ្យចាស់ឡើយ។ ជាហេតុដែលធ្វើឲ្យអ្នកតែងតែក្មេងជាងវ័យតែម្តង មិនងាយជ្រួញនោះទេ។
- ជាធម្មតាប្រសិនជាមិនប្រយ័ត្ន នឹងងាយប្រឈមនឹងជំងឺផ្តាសាយខ្លាំងណាស់ ថែមទាំងអាចឈឺក្បាល ឈឺពោះ ឬរាកជាដើម។ ដូចនេះ បើអ្នកបៀមខ្ញីនឹងធ្វើឲ្យឈាមដើរស្រួល ដោយរាងកាយនឹងប្រែជាកក់ក្តៅ។ ជាហេតុដែលធ្វើឲ្យជំងឺអ្នកអាចធូលស្រាលបាន៕
