​​អ្នក​ស្នេហា​រថយន្ត​ម្នា​ក់នៅ ចិន​ខាងជើង ត្រូវបាន​ផ្តល់​បំណង ចុងក្រោយ​របស់ខ្លួន នៅពេល​សាកសព គាត់​ត្រូវបាន​សាច់ញាតិ​កប់​ក្នុង​រថយន្ត កញ្ចាស់​មួយ​។​
​ ​
​បុរស​ដែល​គេ​ស្គាល់ឈ្មោះ ត្រឹម គី បាន​ស្លាប់​នៅក្នុង​ភូមិ​របស់គាត់ នៅក្នុង​ខេត្ត​ហេ​ប៉ី កាលពី ថ្ងៃ​ចន្ទ​ទី​២៨ ខែឧសភា​។ មុន​ស្លាប់​បុរស​នេះ​បាន បញ្ជាក់​ក្នុង​បណ្តាំ​ថា គាត់​ចង់​ដេក​ក្នុង រថយន្ត​ជាជាង​មឈូស​។​
​ ​
​ដើម្បី​សម្រេច​បំណង​របស់ បុរស​នេះ ក្រុមគ្រួសារ​គាត់​បាន​សម្លឹង ឃើញ​រថយន្ត Hyundai Sonata កញ្ចាស់​មួយ និង​បាន​ទិញ​វា​ក្នុងតម្លៃ​១​ម៉ឺន​យ័ន (១.៥៦០​ដុល្លារ​)​។ បុណ្យសព​របស់ អ្នក​ស្នេហា រថយន្ត​នេះ ត្រូវបានធ្វើ ឡើង​កាលពី​ថ្ងៃ​អង្គារ​។​
​ ​
​រូប​វីដេអូ​នៃ​ពិធី​ចម្លែក​នេះ បង្ហាញ​រថយន្ត​ទេសចរណ៍​ពណ៌​ទឹកប្រាក់ ដាក់​សាកសព​ខាងក្នុង ត្រូវបាន​ស្ទូច ដាក់ចុះ​សន្សឹមៗ​ចូលក្នុង​ផ្នូរ ដែល​ជីក យ៉ាង​ពិសេស​សម្រាប់​ដាក់​រថយន្ត​។ អ្នក ចូលរួម​បានធ្វើ​ការគោរព និង​ឈរជុំវិញ​ផ្នូរ​។​
​ ​
​ក្រោយ​ដាក់​រថយន្ត​មឈូស ក្នុង​ផ្នូរ​ស្រួលបួល​ហើយ រថយន្ត​ចូក​បាន កាយ​ដី​កប់​រថយន្ត​ទាំងមូល​។​
​ ​
​យោងតាម​សារព័ត៌មាន Shanghai Daily គ្រួសារ​នៅក្នុង​ទីក្រុង ធំៗ​របស់​ចិន ដូចជា​សៀង​ហៃ ប៉េកាំង និង​ក្វាង​ចូ​វ ចំណាយ​ជា​មធ្យម​៨​ម៉ឺន​យ័ន លើ​បុណ្យសព​មួយ​។​
​ ​
​មនុស្ស​ជាច្រើន​គិតថា ការ​មាន រថយន្ត​និង​ផ្ទះ​ក្នុងពេល​មានជីវិត​ជា កិត្តិយស​មួយ និង​ដូចគ្នា​ពេល ពួកគេ ស្លាប់ទៅ តែ​ក៏មាន​អ្នកខ្លះ​រិះគន់​ជំនឿ កប់​ឬ​ដុត​វត្ថុ​មានតម្លៃ​ទៅជា​មួយ សាកសព​ដោយសារ តែ​វា​បង្ហិន​ទ្រព្យ បង្ហិន​លុយកាក់ ព្រោះ​មនុស្ស​ស្លាប់ ហើយ​មិនអាច​ចាយ​មិនអាច​ប្រើប្រាស់ សម្ភារៈ​ដូច​មនុ​ស្សរស់​ទេ ៕

ប្រភព៖ sabay.com.kh