នៅពេលដែលអ្នកស្រឡាញ់គ្នា ហើយមិនចង់ឲ្យប៉ះពាល់ដល់មនោសញ្ចេតនាអ្នកទាំងពីរ អ្នកមិនគួរនិយាយរឿងទាំង៤ខាងក្រោមនេះដាក់គូស្នេហ៍អ្នកឡើយ។ តើមានអ្វីខ្លះទៅ?
- អ្នកមិនគួរនិយាយថា អ្នកមិនចូលចិត្តម្តាយរបស់គេនៅចំពោះមុខសង្សារអ្នកឡើយ ព្រោះទោះបីជាមនុស្សប្រុសស្រឡាញ់អ្នកប៉ុណ្ណា ក៏គេមិនចូលចិត្តអ្នកនិយាយដើមម្តាយរបស់គេនៅចំពោះមុខគេទេ។ ដូចនេះ អ្នកគួរតែលាក់ឲ្យជិត មិនគួរបញ្ចេញឡើយ។
- ទោះបីជាអ្នកមិនពេញចិត្តនឹងរាងរបស់គេយ៉ាងណាក៏ដោយ ក៏អ្នកមិនគួរផ្អាប់គេនៅចំពោះមុខដែរ ព្រោះទោះបីជាអ្នកនិយាយដោយការលេងសើច ក៏អាចធ្វើឲ្យគេអន់ចិត្តដែរ។ ដូចនេះ អ្នកមិនគួរយករឿងនេះ ដើម្បីធ្វើជាការលេងសើចនោះទេ ទើបមិនធ្វើឲ្យប៉ះពាល់ដល់មនោសញ្ចេតនារបស់អ្នក។
- អ្នកមិនគួរតែងតែយកពាក្យបែកគ្នាមកគំរាមគេនោះទេ ព្រោះគ្មានបុរសណាចូលចិត្តស្តាប់ពាក្យនេះឡើយ។ បើអ្នកតែងតែប្រើពាក្យនេះ នោះមនោសញ្ចេតនាអ្នកនឹងអាចដើរដល់ផ្លូវបំបែក ហើយចុងក្រោយ អ្នកដែលនិយាយពាក្យនេះចេញមក មិនមែនជាអ្នកទេ តែបែរជាមនុស្សប្រុសដែលធ្លាប់ស្រឡាញ់អ្នកខ្លាំង ជាអ្នកនិយាយទៅវិញ។
- អ្នកមិនគួរនិយាយរឿងពីមុនរបស់អ្នកប្រាប់គេទេ ព្រោះមានពេលខ្លះ អាចបំផ្លាញមនោសញ្ចេតនាគេចំពោះអ្នក។ ដូចនេះ រឿងទាំង៤នេះ អ្នកគួរតែបិទមាត់ឲ្យជិត ដោយមិនគួរឲ្យធ្លោយចេញមកទេ ទើបអាចការពារមនោសញ្ចេតនាអ្នកបានយូរអង្វែង៕
ទំនាក់ទំនងផ្សាយពាណិជ្ជកម្មសូមទូរស័ព្ទមកលេខ 011688855
