នេះគឺជាដំណឹងល្អមួយ សម្រាប់ស្ត្រីជាម្តាយគ្រប់រូប ជាពិសេស ស្ត្រីដែលកំពុងតែមានផ្ទៃពោះតែម្តង។ ខាងក្រោមនេះ Health.com.kh យើងខ្ញុំនឹងបង្ហាញអ្នកពីវិធីក្នុងការអប់រំកូនឲ្យក្លាយជាបុគ្គលដែលឆ្លាតក្រោយពេលដែលកើតចេញមក ។ តើមានអ្វីខ្លះទៅ?
1. ពេលដែលអ្នកពរពោះបាន៦ខែ កូនក្នុងផ្ទៃនឹងចាប់ផ្តើមដឹងពីអារម្មណ៍ខាងក្រៅ។ ដូចនេះ អ្នកម្តាយគួរតែឆ្លើយឆ្លងនឹងកូនក្នុងផ្ទៃឲ្យបានច្រើន ដោយធ្វើឲ្យគេទទួលបានអារម្មណ៍កក់ក្តៅ។ ជាពិសេស មនោសញ្ចេតនារវាងអ្នកម្តាយ និងលោកឪពុកគួរតែរក្សាឲ្យបានល្អទើបអាចធ្វើឲ្យទារកក្នុងផ្ទៃទទួលបានអារម្មណ៍សុភមង្គលតាំងពីក្នុងពោះ។
2. ទោះជាអ្នកមានផ្ទៃពោះក៏ដោយ ក៏អ្នកគួរតែបន្តប្រើខួរក្បាលអ្នកដែរ ព្រោះអ្នកម្តាយដែលប្រើខួរក្បាលច្រើន នឹងធ្វើឲ្យកូនកើតមកឆ្លាតខ្លាំងណាស់ ថែមទាំងជួយកសាងទម្លាប់ល្អមួយដល់កូនបានទៀតផង។ ដូចនេះ កូននឹងខិតខំរៀនសូត្រតាមអ្នកដែរ។
3.អ្នកម្តាយមិនគួរលួចខ្ចិល មិនហាត់ប្រាណនោះទេ ព្រោះការហាត់ប្រាណអាចធ្វើឲ្យកូនក្នុងផ្ទៃមានអារម្មណ៍ល្អ។ ដូចនេះ ចាប់ពីពេលដែលអ្នកពរពោះបានពី៥ទៅ៦ខែ អ្នកគួរតែដើរហាត់ប្រាណឲ្យបាន២០នាទីជារៀងរាល់ថ្ងៃ ទើបអាចធ្វើឲ្យកូនមានចរិតល្អ និងមានខួរក្បាលដែលឆ្លាតមួយ៕
