ញ៉ាំអាហារពេលព្រឹក
វាប្រហែលជាបណ្តាលឱ្យ មានឥទ្ធិពលអាក្រក់ច្រើន បើសិនជាអ្នកមិនព្យាយាមសម្រកទម្ងន់ទេនោះ ប៉ុន្តែ ការសិក្សាបានឱ្យដឹងថា ការញ៉ាំអាហារពេលព្រឹក នៅរយៈពេលមួយម៉ោង ក្រោយភ្ញាក់ពីគេង នឹងធ្វើឱ្យកម្រិតអាំងស៊ុយលីន ត្រៀមខ្លួនរួចជាស្រេច សម្រាប់ជួយបន្ថយកម្រិតកូឡេស្តេរ៉ូលអាក្រក់ (LDL) ក្នុងឈាមបាន។
- ញ៉ាំអាហារពេលព្រឹក នៅម៉ោងដដែលជារៀងរាល់ថ្ងៃ។ បើសិនជាអ្នកចង់គេងឱ្យបានយូរ នៅថ្ងៃចុងសប្តាហ៍ ចូរញ៉ាំអាហារឱ្យបានលឿនទៅ ពេលភ្ញាក់ពីគេងហើយ។
- ចូរជ្រើសរើសអាហារសម្បូរប្រូតេអ៊ីន និងមានជាតិសរសៃខ្ពស់ (ស៊ុត ផ្លែឈើស្រស់ និងបន្លែ) ព្រោះវានឹងជួយឱ្យការរំលាយអាហារ មានរយៈពេលយូរជាងអាហារផ្សេងៗទៀត។
- ចៀសវាងការញ៉ាំនំផ្អែម ដូចជានំខេក។
បំបាត់ស្ត្រេស
ការសិក្សាស្រាវជ្រាវ បានបញ្ជាក់ឱ្យដឹងថា ការបញ្ចេញសារធាតុ Cortisol (អ័រម៉ូន ដែលរាងកាយបញ្ចេញនៅពេលស្ត្រេស) ធ្វើឱ្យកើនឡើងជាតិខ្លាញ់ នៅក្បាលពោះ។ វិធីសាស្ត្រមួយចំនួន ដើម្បីបំបាត់ស្ត្រេសបាន មានដូចជា ៖
- គេងឱ្យបានគ្រប់គ្រាន់ ៖ ភាគច្រើន មនុស្សពេញវ័យ ត្រូវការគេងយ៉ាងហោចណាស់ ៧ ម៉ោងជារៀងរាល់យប់។
- បង្កើតពេលវេលាដើម្បីសម្រាក ៖ ទោះបីជាអ្នកមានពេលវេលាតែ ១៥ នាទី ដើម្បីញ៉ាំអាហារថ្ងៃត្រង់ក៏ដោយ ក៏គួរតែឆ្លៀតពេល ដើម្បីបិតភ្នែក ដកដង្ហើមជ្រៅៗ និងបំភ្លេច នូវអ្វីដែលធ្វើឱ្យអ្នកបារម្ភទៀតទៅ។
ដើរ ១០.០០០ ជំហានក្នុងមួយថ្ងៃ
ការសិក្សាមួយបានឱ្យដឹងថា កាលណាបុរសកាត់បន្ថយការដើរពី ១០.០០០ ទៅ ១០.៥០០ ជំហាន (គ្មានការផ្លាស់ប្តូររបបអាហារ) ជាតិខ្លាញ់នៅក្នុងពោះ (ខ្លាញ់ក្បាលពោះ) នឹងកើនឡើងរហូតដល់ ៧ភាគរយ ក្រោយពីធ្វើបែបនេះបាន ២ សប្តាហ៍។
- ចូរព្យាយាមបង្កើន ជំហាននៃការដើររបស់អ្នក ជារៀងរាល់ថ្ងៃ
- ចូរឡើងកាំជណ្តើរ ជំនួសការឡើងជណ្តើរយន្ត និងដើរ ជំនួសការជិះរថយន្ត
- ចូរងើបឈរ និងដើរឱ្យបាន ៣០ ជំហានជារៀងរាល់ ៣០ នាទី។ បើសិនជាអ្នកមានការងារដែលត្រូវអង្គុយច្រើន ចូរកុំភ្លេចដើរ នៅលើម៉ាស៊ីនរត់ផង។
ញ៉ាំទឹកឱ្យបានច្រើន
ការសិក្សាបានឱ្យដឹងថា ការញ៉ាំទឹកច្រើននៅពេលថ្ងៃ អាចជួយបង្កើនការរំលាយអាហារបាន។ ការញ៉ាំទឹកកាន់តែច្រើន ក៏ជួយឱ្យរាងកាយច្រោះជាតិពុល និងពង្រឹងដល់សុខភាពទូទៅបានដែរ។
- ចូរញ៉ាំទឹកឱ្យបាន ៨ កែវក្នុងមួយថ្ងៃ ជារៀងរាល់ថ្ងៃ
- កាន់ដបទឹកជាប់ខ្លួន គ្រប់ពេលដែលអ្នកមានថា អារម្មណ៍ស្រេកទឹក
- កាត់បន្ថយគ្រឿងស្រវឹង និងភេសជ្ជៈមានជាតិផ្អែម៕